سۋپەر لوتو تۋرالى ءبارىن دە بىلگىڭىز كەلسە!

سۋپەر لوتو قازاقستانداعى ون-لاين رەجىمدەگى العاشقى لوتەرەيا بولىپ تابىلادى. بۇگىنگى تاڭدا ونىڭ نەگىزگى جۇلدە قورى 80 ملن. تەڭگەدەن اسىپ ءتۇسىپ, 100 ملن. تەڭگەگە جاقىندادى. وسى ورايدا ساتتىلىك حانشايىمىمەن قالاي دوستاسۋعا بولاتىندىعى جونىندە Kazakhstan Lottery ءServىce كومپانياسىنىڭ قوعاممەن بايلانىس دەپارتامەنتىنىڭ ديرەكتورى سادىق ەگىزوۆپەن اڭگىمەلەسكەن بولاتىنبىز. – سادىق مىرزا, الدىمەن Kazakhstan Lottery ءServىce كومپانياسىنىڭ قىزمەتى تۋرالى ايتىپ وتسەڭىز. – ءبىزدىڭ كومپانيا ءوز جۇمىسىن 2004 جىلى باستاعان بولاتىن. وسى ۋاقىتقا دەيىن ءبىز قازاقستاندا ون-لاين لوتەرەيا اشۋعا تالپىنىس جاساپ, ۇلكەن دايىندىق جۇمىستارىن جۇرگىزدىك. سۋپەر لوتو ويىنىن ويناۋ ءپرينتسيپى تومەندەگىشە بولادى. 38 سان ىشىنەن كەز كەلگەن 6 ساندى تاڭداۋ كەرەك. “ون-لاين” تەرمينى بيلەت ساتۋ تەرمينالدارىنىڭ ءار بىرەۋى ورتالىق مالىمەتتەر بازاسىمەن بايلانىستى دەگەندى بىلدىرەدى. بيلەتتى ساتىپ الۋ كەزىندە ورتالىق مالىمەتتەر بازاسىنا ونىڭ قاي جەردە, قاشان ساتىپ الىنعاندىعى, قانداي سانداردىڭ بەلگىلەنگەندىگى تۋرالى اقپارات كەلىپ تۇسەدى. مۇنداي جۇيەنى قولدانۋ بيلەتتەردى قولدان جاساۋ نەمەسە اۋىستىرىپ جىبەرۋدەن ساقتايدى. بۇگىندە قازاقستان اۋماعى بويىنشا 1000 تەرمينال جۇمىس ىستەۋدە جانە بۇل جوباعا سالىنعان ينۆەستيتسيا قۇنى 2,5 ملرد.تەڭگەنى قۇرايدى. – وسىنشاما مول قارجىنىڭ قۇيىلۋىنا قاراماستان كوپتەگەن ادامدار لوتەرەياعا سەنە بەرمەيتىنى بەلگىلى. كەيبىرەۋلەرى مۇندايدى الاياقتىق دەپ تە اتاپ جاتادى. – ءيا, دۇرىس ايتاسىز. ءبىر كەزدەرى لوتەرەيانىڭ ءتۇر-ءتۇرى قاپتاپ كەتكەن بولاتىن. قىسقا ۋاقىتتان سوڭ جوعالىپ كەتكەن سول لوتەرەيالار شىندىعىندا دا ادامدار سەنىمىن جوعالتىپ الدى. دەگەنمەن سۋپەر لوتو ۇزاق مەرزىمدىك جوبا بولىپ تابىلادى, ونىڭ ۇستىنە جوباعا از اقشا قۇيىلعان جوق. 2,5 ملرد. تەڭگەنىڭ قارجىسىن قۇيا وتىرىپ, بيزنەستى تەز ارادا جاۋىپ تاستاۋ اقىلعا سىيىمسىز ەكەنىنە وقىرماندار كەلىسەدى دەگەن ويدامىن. – بىزگە بەلگىلى بولعانىنداي, Kazakhstan Lottery ءServىce قازاقستاننىڭ باسقا ايماقتارىنا شىعۋدى جوسپارلاۋدا ەكەن. سۋپەر لوتونىڭ قاي قالاعا قاشان كەلەتىنى تۋرالى ناقتى جوسپار بار ما؟ – ءدال قازىرگى كۇنى ءبىز قازاقستاننىڭ 7 وڭىرىندە جۇمىس ىستەۋدەمىز. بۇلار – استانا, الماتى, قاراعاندى, شىمكەنت, وسكەمەن, سەمەي جانە تاراز قالالارى. ءساۋىر ايىنان باستاپ سۋپەر لوتو قوسىمشا 4 قالادا, اتاپ ايتساق, اقتاۋ, اتىراۋ, اقتوبە, پاۆلودار قالالارىندا ساتىلىمعا تۇسپەك. اتالمىش 4 قالادا كومپانيانىڭ وڭىرلىك وكىلدىكتەرى قۇرىلدى. ال مامىر ايىنىڭ باسىندا قالعان 4 قالا – پەتروپاۆل, قوستاناي, قىزىلوردا جانە تالدىقورعاندا جۇمىس باستاماق نيەتتەمىز. – سۋپەر لوتونىڭ جۇلدە قورى 80 ملن. تەڭگەنى قۇرايتىندىعى ويناۋشىلاردىڭ قىزىعۋشىلىعىن ارتتىراتىن اقپارات ەكەنى ءسوزسىز. بۇل اقپارات سونداي-اق لوتەرەيا تۋرالى الىپ-قاشپا اڭگىمەگە دە تامىزىق بولۋدا. مىسالى, مۇنداي كولەمدى جۇلدە قورى قايدان پايدا بولدى دەگەن زاڭدى سۇراق تۋىندايدى. – سۋپەر لوتودا بيلەت نەعۇرلىم كوپ ساتىلسا, نەگىزگى جۇلدە قورى سوعۇرلىم كوبەيە تۇسەدى. ەندى جاڭا وڭىرلەردە ساتىلاتىن بولسا, جۇلدە قورى ودان سايىن وسە تۇسپەك. ال قازىرگى جۇلدەنىڭ سوماسى بيلەت ساتىلىمىنان تۇسكەن اقشادان عانا تۇرمايدى. ونىڭ قۇرامىندا كومپانيانىڭ 50 ملن. تەڭگەنى قۇرايتىن ەڭ تومەنگى كەپىلدىك سوماسى دا بار. – ەڭ تومەنگى كەپىلدىك سوماسى جونىندە كەڭىرەك توقتالىپ وتسەڭىز. – جۇلدە قورى – سۋپەر لوتوداعى بارلىق ساتىلعان بيلەتتەردىڭ 50 پايىزىن قۇرايدى. 4 جانە 5 ساناتتى جۇلدەنى قوسپاعانداعى جالپى جۇلدە قورىنىڭ 65 پايىزى 1 ساناتتى جۇلدە, ياعني باس جۇلدەنى قۇرايدى. باسىندا ساتىلعان بيلەت سانى از بولعاندىقتان, جۇلدە قورى دا سوعان سايكەس از بولدى. سوندىقتان ساتىلعان بيلەتتەن بولەك كومپانيا تاراپىنان 1 ساناتتى جۇلدەگە قوسىمشا قارجى بولدىك. مىنە, وسى قارجى ەڭ تومەنگى كەپىلدىك سوماسى دەپ اتالادى. – بۇل سومانى قاي ۋاقىتقا دەيىن قارجىلاندىرماق ويلارىڭىز بار؟ – سۋپەر لوتونىڭ 20 ويىنىنا دەيىن قارجى­لاندىرىپ وتىرامىز. ياعني, ۇستىمىزدەگى جىلدىڭ 17 ساۋىرىنە دەيىن بولادى. ەگەر وسى ويىندا جەڭىمپاز انىقتالىپ, باس جۇلدەنى الاتىن بولسا, كەلەسى ويىننىڭ دجەك-پوتى تاعى دا كەپىلدى 50 ملن. تەڭگەنى, وعان قوسا ساتىلىمنان تۇسكەن قارجىدان قۇرالادى. ءسويتىپ جاڭا جەڭىمپاز انىقتالمايىنشا وسە بەرەتىن بولادى. سۋپەر لوتونىڭ ەرەكشەلىگى ءارى ۇتىمدى جاعى وسى. – سوندا سۋپەر لوتونى ءدال قازىر ساتىپ الۋ ءتيىمدى دەمەكسىز عوي. – سولاي دەپ ايتۋعا دا بولادى. ويتكەنى, 20 ويىنعا دەيىن ساتىلعان بيلەت قارجىسىنا كەپىلدى 50 ملن. تەڭگە قوسىلادى. لوتەرەيا قازاقستاننىڭ بارلىق وڭىرلەرىندە ساتىلعان جاعدايدا باس جۇلدە قورى كوبەيە تۇسپەك. امەريكا نەمەسە ەۋروپادا ادامداردىڭ جۇزدەگەن ميلليون دوللار ۇتىسقا يە بولىپ جاتقانىن ەستىگەن بولارسىز. بۇل دا سول ويىنداردىڭ ءبىر ءتۇرى. جۋىردا قازاقستاندا دا سونداي جاڭالىقتى ەستيتىندىكتەرىڭىزگە سەنىمىم كامىل. – قاڭتار ايىندا باس جۇلدەنى يەلەنگەن ەكى جەڭىمپاز انىقتالعانى بەلگىلى. بىرەۋى – استانا, ەكىنشىسى – شىمكەنت قالاسىنان. – بىزدە 10 ملن. تەڭگەدەن جوعارى جۇلدەگە يە بولعاندار سانى – 10. 3 ويىندا 2 سانات بويىنشا 4 جەڭىمپازىمىزدىڭ ارقايسىسى 10 405 733 تەڭگە ۇتىسقا يە بولدى. سونداي-اق 6 ويىندا 2 ادام 1 ساناتتى ۇتىسقا يە بولدى. ولاردىڭ ارقايسىسى ۇتقان سوما كولەمى 34 705 331 تەڭگە. جاقىندا ءبىز ميلليونەرلەرىمىز قالاي تۇراتىندىعى جونىندە قىزىعۋشىلىق تانىتقانبىز. استانالىق جەڭىمپازىمىز جاڭا پاتەر ساتىپ السا, شىمكەنتتىك ميلليونەر ۇلىنا اۆتوكولىك, قىزىنا ءۇي ساتىپ الىپ بەرىپتى. وتباسىمەن ساياحاتقا شىعىپ, دەما­لىپ قايتىپتى. ولاردىڭ باقىتتى جۇزىنە قاراپ وتى­رىپ, ۇلكەن اسەر الدىم. تاعى دا قايتالاپ ايتقىم كەلە­دى. سۋپەر لوتودا ءاربىر ادامنىڭ ميلليونەر بولۋعا ءمۇم­كىندىگى بار. ادام بيلەتتەگى سانداردى ءوزى تاڭدايدى, بۇل ءبىزدىڭ لوتەرەيامىزدىڭ ادىلەتتىلىگىن تاعى دا ءبىر رەت دالەلدەيدى. – سادىق مىرزا, اڭگىمەمىزدى قورىتىندىلاساق. – لوتەرەيادا ساندى ءوزىڭىز عانا تاڭدايسىز, جانە ءسىز ولارمەن وينايسىز. ءبىر دەڭىز. ەكىنشىدەن, ساتۋدىڭ ون-لاين باسقارۋ جۇيەسى سۋپەر لوتوعا سەنۋگە بولاتىن­دى­عىن بىلدىرەدى. ءۇشىنشى ەرەكشەلىك, بۇل ۇلكەن كولەمدەگى قارجىلىق سالىمدار. مۇندا Samsung, Kcell, قازاق­تەلەكوم سياقتى جوعارى دەڭگەيلى كومپانيالار قاتىسۋىنىڭ ءوزى كوپتەگەن نارسەنى بىلدىرەدى. سۋپەر لوتونىڭ ۇستانىپ وتىرعان باستى ساياساتى – “باقىت سىيلاۋ!” سۋپەر لوتو بيلەتىن ساتىپ الا وتى­رىپ, ءسىز باقىتتى ساتتەردى كوز الدىڭىزعا اكەلە الاسىز. ەگەر جەڭىپ جاتساڭىز قۇبا-قۇپ, وسىنىڭ بارلىعى دا ءسىزدى شىندىعىندا دا باقىتقا بولەيتىن بولادى. – اڭگىمەڭىزگە راحمەت. اڭگىمەلەسكەن ۆەنەرا تۇگەلباي.