سارسەنبى, 12 ماۋسىم 2013 2:02
كوشپەلى وتىرىستا كوپ نارسەگە كوز جەتكىزىلدى
«نۇر وتان» حالىقتىق-دەموكراتيالىق پارتياسىنىڭ جانىنداعى سىبايلاس جەمقورلىقپەن كۇرەس جونىندەگى رەسپۋبليكالىق قوعامدىق كەڭەستىڭ بۇل جولعى وتىرىسى ادەتتەگىدەن وزگەشەلەۋ جاعدايدا ءوتتى.
سارسەنبى, 12 ماۋسىم 2013 2:02
كوشپەلى وتىرىستا كوپ نارسەگە كوز جەتكىزىلدى
«نۇر وتان» حالىقتىق-دەموكراتيالىق پارتياسىنىڭ جانىنداعى سىبايلاس جەمقورلىقپەن كۇرەس جونىندەگى رەسپۋبليكالىق قوعامدىق كەڭەستىڭ بۇل جولعى وتىرىسى ادەتتەگىدەن وزگەشەلەۋ جاعدايدا ءوتتى.
ونىڭ ءمانىسى مىنادا ەدى. مال شارۋاشىلىعىن دامىتۋ باعدارلاماسىنىڭ ىسكە اسىرىلۋىنا مونيتورينگ جۇرگىزەتىن ساراپتاۋ توبىنا كىرەتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى كوشپەلى وتىرىستارىن وزگەشە تۇرپاتتا ۇيىمداستىردى. ولار بۇل ءۇشىن «قازاگرو» ۇلتتىق حولدينگى جەلىسى بويىنشا جۇزەگە اسىرىلاتىن مال شارۋاشىلىعى جوبالارىنىڭ بىرىنە جولاۋشىلاپ اتباسىن تىرەدى. سالانىڭ كەلەشەگى مەن كەلەلى ماسەلەلەرىن تالقىلاۋ اقمولا وبلىسىنىڭ ەڭبەكشىلدەر اۋدانىندا ورنالاسقان «KazBeef ltd» جشس رەپرودۋكتور-شارۋاشىلىعىندا جۇرگىزىلدى. بۇل نىسانعا بارۋ بارىسىندا «قازاقستان رەسپۋبليكاسىندا مال شارۋاشىلىعىن دامىتۋدىڭ وزەكتى ماسەلەلەرى مەن كەلەشەگى» تاقىرىبى بويىنشا الدا بولاتىن پارلامەنتتىك تىڭداۋعا ۇسىنىلاتىن وي-پىكىرلەر پىسىقتالدى.پارلامەنت ءماجىلىسىنىڭ دەپۋتاتى تولەگەن يبراەۆتىڭ جەتەكشىلىگىندەگى ساراپتاۋ توبى شارۋاشىلىقتىڭ اعىمداعى جاعدايىمەن, رەپرودۋكتوردىڭ ينفراقۇرىلىمىمەن جەتە تانىستى. جايىلىمدىق جەرلەردىڭ جاي-كۇيىنە قانىعىپ, سۋمەن جابدىقتاۋ, تەحنيكالىق جانە تەحنولوگيالىق بازالاردىڭ جۇمىسىنا ءجىتى نازار اۋداردى.«KazBeef ltd» جشس اسىل تۇقىمدى شارۋاشىلىعىن قۇرۋ – قازاقستانداعى قازىرگى ىسكە اسىرىلىپ جاتقان ءىرى قارا مال ەتىنىڭ ەكسپورتتىق الەۋەتىن دامىتۋ جونىندەگى مەملەكەتتىك باعدارلاما شەڭبەرىندەگى العاشقى تاجىريبەلەردىڭ ءبىرى بولىپ تابىلادى. 2010 جىلى ۇلتتىق حولدينگ رەسپۋبليكادا اسىل تۇقىمدى شارۋاشىلىقتاردىڭ (رەپرودۋكتورلاردىڭ) جەلىسىن قۇرۋدى بولجايتىن ينۆەستيتسيالىق باعىتتى بەكىتكەننەن كەيىن «قازاگروونىم» اق ارقىلى ءسولتۇستىك داكوتا (اقش) شتاتىنان انگۋس جانە گەرەفورد تۇقىمدى 1327 سيىر مەن 20 بۇقا ساتىپ الدى.قازىرگى تاڭدا «KazBeef ltd» جشس-دا جالپى ءىرى قارا تابىنىنىڭ سانى بورداقىلاۋ الاڭىنداعى مالدى قوسقاندا شامامەن 9 مىڭ باس قۇرايدى, ونىڭ ىشىندەگى 3 مىڭ 500 باسى انالىق مال.بۇگىندە اسىل تۇقىمدى مالدار جايىلىمعا شىقتى, ءالى دە بۇزاۋلاپ جاتىر. بەكىتىلگەن جانە جالعا الىنعان اۋماقتاردى قوسا ەسەپتەگەندە جايىلىمنىڭ جالپى الاڭى شامامەن 140 مىڭ گەكتارعا جەتەدى. مۇندا 4 جەلسورعىش جۇيەسى ورنالاستىرىلىپ, 32 سۋارۋ ورنى سالىنعان. سونىمەن قاتار, 36 شاقىرىمدىق سۋ قۇبىرى تارتىلعان. شارۋاشىلىق بولاشاقتا اسىل تۇقىمدى مال باسىن 10 مىڭعا دەيىن, سونىڭ ىشىندە انالىق مالدى 5 مىڭعا دەيىن كوبەيتۋدى جوسپارلاۋدا. ناتيجەسىندە بىلتىر 660-تان استام بۇقا وزگە شارۋاشىلىقتارعا ساتىلىپتى. تاڭداۋلى انگۋس جانە گەرەفورد تۇقىمدارى قاراعاندى, پاۆلودار, شىعىس قازاقستان جانە اقتوبە وبلىستارىنىڭ شارۋا قوجالىقتارىنا جونەلتىلىپتى.«KazBeef ltd» جشس اتقارۋشى ديرەكتورى بەيبىت ەرۋباەۆتىڭ پىكىرىنشە, الداعى ۋاقىتتا شارۋاشىلىق جەمشوپ بازاسىن بارىنشا نىعايتۋدى قولعا الادى. ءسويتىپ, جاقسى جەتىلدىرىلگەن رەپرودۋكتورعا يە بولا وتىرىپ, بورداقىلاۋ الاڭىنان باستاپ ەتتى وڭدەۋگە جانە ونى ودان ءارى ەكسپورتتاۋعا دەيىنگى زاماناۋي جۇيەسى بار تىكەلەي ىقپالداسقان كومپانياعا اينالۋ مىندەتى تۇر. «قازىر ءبىز جاڭا ءونىم – ءمارمار ەتىن ءوندىرۋدى ويلاستىرۋدامىز. مۇنداي ەتتى قازاقستاننىڭ جانە رەسەيدىڭ, قىتايدىڭ, تاياۋ شىعىس پەن وڭتۇستىك-شىعىس ازيا ەلدەرىنە ەكسپورتتاۋىمىز قاجەت. بۇل ءبىزدىڭ الدىمىزدا تۇرعان زور مىندەت. تاياۋداعى 5-7 جىل ىشىندە ءبىرتالاي جەتىستىكتەرگە قول جەتكىزەمىز دەگەن جوسپارىمىز بار» دەيدى بەيبىت ەرۋباەۆ.ساراپتاۋ توبىنىڭ وكىلدەرى شارۋاشىلىقتىڭ جۇرگىزىپ وتىرعان جۇمىسىنا وڭ باعا بەردى. مالدى كۇتىپ باعۋدان جانە تەحنيكالىق جاراقتاندىرۋدان باستاپ ءتيىمدى مەنەدجمەنت پەن ت ۇلىكتى وسىرۋدەگى وزىق ادىستەرگە دەيىنگى يننوۆاتسيالىق تەحنولوگيالاردى قولدانۋ ءتاسىلى ەرەكشە اتالىپ ءوتىلدى. الايدا, پارلامەنت دەپۋتاتتارىنىڭ پايىمداۋلارى بويىنشا, جەمشوپ ءوندىرىسى مەن ۆەتەريناريالىق قىزمەت كورسەتۋ ماسەلەلەرىنە ءالى دە بولسا كوپ كوڭىل ءبولۋ كەرەك ءتارىزدى. ساراپشىلار جالپى ەلىمىزدە مال شارۋاشىلىعى باعدارلاماسىن ىسكە اسىرۋعا كەشەندى شەشىم قاجەتتىلىگىن تاعى ءبىر مارتە ەسكەرتتى.«نۇر وتان» حدپ جانىنداعى سىبايلاس جەمقورلىقپەن كۇرەس جونىندەگى رەسپۋبليكالىق قوعامدىق كەڭەستىڭ مال شارۋاشىلىعىن دامىتۋ باعدارلاماسىنىڭ ىسكە اسىرىلۋىنا مونيتورينگ جۇرگىزۋ جونىندەگى ساراپتاۋ توبىنىڭ توراعاسى, پارلامەنت ءماجىلىسىنىڭ دەپۋتاتى تولەگەن يبراەۆ بىلاي دەيدى: «2010 جىلعى كەزەڭمەن سالىستىرعاندا, قازىرگى تاڭداعى ايىرماشىلىق جەر مەن كوكتەي. حالىق جۇزەگە اسىرىلىپ جاتقان بۇل جوباعا شىن مانىندە زور ءمان بەرەدى. دەگەنمەن, ءبارى دە جۇزەگە اسىرىلدى دەۋ ارينە, ەرتەرەك. بىزدە ءالى دە بولسا ءبىراز تەر توگەتىن ماسەلەلەر مەن نارسەلەر جەتكىلىكتى. بىرىنشىدەن, مالدى ازىقتاندىرۋ جانە بەرىك جەمشوپ قورىن قۇرۋىمىز كەزەك كۇتتىرمەيدى. ەكىنشىدەن, ۆەتەريناريالىق قاۋىپسىزدىكتى دامىتۋىمىز كەرەك. سوندا عانا جەتىستىكتەرگە جەتەتىنىمىز ءسوزسىز.ءوز كەزەگىندە, جوبانى قارجىلاندىرۋشى كومپانيا – «قازاگروونىم» اق باسقارماسىنىڭ توراعاسى الەكساندر سوليۋلەۆ ەلىمىزدەگى مال شارۋاشىلىعىنىڭ جوعارى الەۋەتى تۋرالى پىكىرىن ايتتى. ول وسى رەتتە رەسپۋبليكانىڭ ەكسپورتقا باعدارلانعان مال شارۋاشىلىعى ونىمدەرىن وتكىزۋدەن استىق سەكتورىمەن سالىستىرعانداعى كولەمدە, ءتىپتى ودان دا كوپ ۆاليۋتالىق ءتۇسىم الۋعا بولاتىندىعىن اتاپ ءوتتى. «قازاگرو» حولدينگىنە قاراستى ەنشىلەس كومپانيانىڭ باسشىسى جاڭا تەحنولوگيالاردى وندىرىسكە باتىل ەنگىزۋگە شاقىردى.كوشپەلى وتىرىستىڭ قورىتىندىسىندا ءبىراز تۇيتكىلدى ماسەلەلەردىڭ ءتۇيىنى تارقاتىلىپ, الداعى ىستەلەتىن جۇمىستىڭ نوبايى دا انىقتالعان ءتارىزدى. ونىڭ شارۋاشىلىققا تيگىزەر پايداسى دا مول بولماق.2011-2012 جىلدارى رەسپۋبليكادا جالپى قۋاتى 35,2 مىڭ بورداقىلاۋ ورنى بار الاڭدار سالىندى. ونىڭ ىشىندە «قازاگرو» ۇلتتىق حولدينگى قاراجاتى ەسەبىنەن 17,7 مىڭ بورداقىلاۋ ورنى اشىلدى. وسى كەزەڭدە رەپرودۋكتورلار قۇرۋ شەڭبەرىندە رەسپۋبليكاعا 30 مىڭ اسىل تۇقىمدى ءىرى قارا مالى اكەلىندى. 22,7 مىڭ سيىر «قازاگرو» حولدينگىنىڭ قاراجاتى ەسەبىنەن ساتىپ الىندى.جالپى «قازاگرو» ۇلتتىق حولدينگى كومپانياسى توبىنىڭ قارجىلاندىرۋىمەن فەرمەرلىك شارۋاشىلىقتاردى دامىتۋ باعدارلاماسى اياسىندا 2011-2012 جىلدار ارالىعىندا اۋىل تۇرعىندارى 115 مىڭ ءىرى قارا مالىن جانە 4,5 مىڭ اسىل تۇقىمدى بۇقا الدى. 2013 جىلى حولدينگتىڭ قولداۋىمەن شارۋاشىلىقتار 20,3 مىڭ سيىرمەن جانە 1167 اسىل تۇقىمدى بۇقامەن قورالارىن تولتىردى.«قازاگرو» ۇلتتىق باسقارۋشى حولدينگى» اق اگروونەركاسىپتىك كەشەن سالاسىندا قىزمەتىن جۇزەگە اسىراتىن اكتسيونەرلىك قوعامداردى ءتيىمدى باسقارۋ ءۇشىن 2006 جىلى قۇرىلعان بولاتىن. حولدينگتىڭ قۇرامىنا «ازىق-ت ۇلىك كەلىسىم-شارت كورپوراتسياسى» ۇك» اق, «قازاگروونىم» اق, «قازاگروقارجى» اق, «اگرارلىق نەسيە كورپوراتسياسى» اق, «اۋىل شارۋاشىلىعىن قارجىلاي قولداۋ قورى» اق, «قازاگروكەپىل» اق, «قازاگروماركەتينگ» اق كىرەدى.
مارات اققۇل,«ەگەمەن قازاقستان».