ماجىلىسكە بوسقىندار ماسەلەسى بويىنشا بۇۇ وكىلى كەلدى

ءماجىلىس توراعاسىنىڭ ورىنباسارى جانىبەك كارىبجانوۆ بىرىككەن ۇلتتار ۇيىمىنىڭ ورتالىق ازياداعى بوسقىندار ماسەلەسى بويىنشا باس كوميسسارى باسقارماسى وكىلدىگىنىڭ باسشىسى سابەر ازاممەن كەزدەستى, دەپ حابارلادى وسى پالاتانىڭ ءباسپاسوز قىزمەتى. ءماجىلىس توراعاسىنىڭ ورىن­باسارى مارتەبەلى مەيماندى جاڭا قىزمەتكە تا­عايىن­دالۋىمەن قۇتتىقتاپ, بوس­قىن­دار ماسەلەسى قازاقستان سايا­ساتىنىڭ باسىم باعىتتارىنىڭ ءبىرى ەكەندىگىن اتاپ كورسەتتى. ءوت­كەن جىلدىڭ اياعىندا قابىل­دان­عان “بوسقىندار تۋ­رالى” زاڭنىڭ جوباسىن جاساۋ كەزىندە بىرىككەن ۇلتتار ۇيى­مىنىڭ بوسقىندار كوميسسيا­سىنىڭ وكىلدەرى ارا­لا­سىپ, ولاردىڭ ءبىراز ۇسىنىستارى قابىلدانعان. ترانسشەكارالىق ايماقتا وتىرعان مەملەكەتتەر شە­كاراشىلارمەن جۇمىستى جان­دان­دىرىپ, انىقتاۋ باعىتىندا ۇلكەن جۇمىستار اتقارىلعانىن, بۇل سالادا قول جەتكىزىلگەن جە­تىس­تىكتەر بارشىلىق ەكەنىن ايتقان  ۆيتسە-سپيكەر بىرىككەن ۇلتتار ۇيىمىنىڭ ورتالىق ازياداعى بوسقىندار ماسەلەسى بويىنشا باس كوميسسارى باسقارماسى وكىلدىگى باس­شىسىنىڭ  ءبىزدىڭ ايماقتا باس­تالعان جۇمىسىنا ساتتىلىك تىلەدى. مەيمان ءوز كەزدەسۋىنىڭ حالىق­تىق دەموكراتيانىڭ كوزى مەن قۇلاعى بولىپ تابىلاتىن ءماجى­لىس­تەن باستالعانىنا ريزاشىلىق ءبىلدىرىپ, الداعى ۋاقىتتا پارلا­مەنت­پەن تىعىز بايلانىستا بولا­تىندىعىنا سەندىردى. الداعى قازان ايىندا بىشكەك قالاسىندا ارالاس بوسقىندار ماسەلەسىنە قاتىستى كونفەرەنتسيا وتكىزەتىندىكتەرىن حابارلادى. ء“بىزدىڭ ستراتەگيامىز قاشاندا ۇكىمەتپەن بىرگە بولۋدا, پارلامەنتتەن مورالدىق قولداۋ كۇتەمىز”, – دەدى ول.