سەيسەنبى, 5 اقپان 2013 7:14
ءسىز نە دەيسىز؟
بىلتىر وڭىردە جاز شىعىسىمەن اڭىزاق اپتاپ ۇرىپ, ءبىر تامشى جاڭبىر جاۋمادى. بۇل ەرتە كوكتەمدە ۇكىلى ۇمىتپەن ەگىس سالعان ديقان قاۋىمى ەگىنىنىڭ كۇيىپ كەتۋىنە سوقتىردى. ەگىن القاپتارىن ساقتاندىرعان شارۋالار قۋاڭشىلىقتىڭ زاردابىنا وتەم جاسالا ما, جوق پا دەپ كۇنى كەشەگە دەيىن الاڭ كوڭىل كۇي كەشتى. قۋاڭشىلىقتىڭ شىعىنى قانشالىقتى وتەلدى؟ شارۋالاردىڭ شىعىنى تولىق قولدارىنا ءتيدى مە؟
سەيسەنبى, 5 اقپان 2013 7:14
ءسىز نە دەيسىز؟
بىلتىر وڭىردە جاز شىعىسىمەن اڭىزاق اپتاپ ۇرىپ, ءبىر تامشى جاڭبىر جاۋمادى. بۇل ەرتە كوكتەمدە ۇكىلى ۇمىتپەن ەگىس سالعان ديقان قاۋىمى ەگىنىنىڭ كۇيىپ كەتۋىنە سوقتىردى. ەگىن القاپتارىن ساقتاندىرعان شارۋالار قۋاڭشىلىقتىڭ زاردابىنا وتەم جاسالا ما, جوق پا دەپ كۇنى كەشەگە دەيىن الاڭ كوڭىل كۇي كەشتى. قۋاڭشىلىقتىڭ شىعىنى قانشالىقتى وتەلدى؟ شارۋالاردىڭ شىعىنى تولىق قولدارىنا ءتيدى مە؟
«ەگەمەن قازاقستان» گازەتىنىڭ اقتوبە وبلىسى بويىنشا مەنشىكتى ءتىلشىسى ساتىبالدى ءساۋىرباي «اقتوبە پوليس» ءوزارا ساقتاندىرۋ قوعامى» وندىرىستىك كووپەراتيۆىنىڭ ديرەكتورى قۋانىش نۇرشينگە:
– ءسىز بۇعان نە دەيسىز؟
– شىنى كەرەك, ەگىنشىلەر وتكەن جىلعى جازعا ۇلكەن ءۇمىت ارتىپ ەدى. الايدا, ءۇمىت اقتالمادى. تابيعات توسىن مىنەز تانىتتى. «جاۋ جاعادان العاندا, يت ەتەكتەن» دەگەندەي, وبلىس اۋماعىندا شەگىرتكە «شەرۋى» دە بولىپ ءوتتى. وسىنداي تابيعات اپاتتارىنىڭ سالدارىنان وبلىستا 332,0 مىڭ گەكتار القاپتىڭ ەگىنى جيناۋعا كەلمەگەندىكتەن, ەسەپتەن شىعارىلدى. مۇنداي جاعداي سەگىز اۋداننىڭ ەگىس القاپتارىنا ءتان, ولاردا ەگىننىڭ 35-80 پايىزىنا دەيىن جارامسىز بولىپ قالدى.2010 جىلى دا قۋاڭشىلىق بولعان-دى. ول كەزدە ساقتاندىرۋ قوعامىنىڭ نەسيەلىك پورتفەلىندە نەبارى 70 ميلليون تەڭگە عانا بار ەدى. ال ەگىنى جيناۋعا كەلمەيتىن 300,0 مىڭ گەكتار القاپ ەسەپتەن شىعارىلدى. وبلىستا توتەنشە جاعداي جاريالانىپ, سول كەزدەگى وبلىس اكىمى ەلەۋسىن ساعىندىقوۆ قارجىلاي قولداۋ كورسەتىپ, 830,0 ميلليون تەڭگە بەرەشەكتى وتەۋگە كومەكتەسكەن بولاتىن.مىنە, جوعارىدا ايتىپ ءوتكەنىمدەي, 2012 جىلى دا سونداي جاعدايعا ۇشىرادىق. بيىل ساقتاندىرۋشىلاردىڭ ءتولەمدەرىنەن 74 ميلليون تەڭگە عانا جينالدى. ونىڭ 42,0 ميلليون تەڭگەسى ءوزارا ەسەپ ايىرىسۋ ارقىلى جابىلدى, ال, 32,0 ميلليون تەڭگەسى ساقتاندىرۋشىلارعا بەرەشەككە تولەندى. ءبىز ءوز كۇشىمىزبەن ەگىندەرىن ساقتاندىرعان شارۋاشىلىق قۇرىلىمدارىمەن ەسەپ ايىرىسا المايتىن ەدىك. سەبەبى, ءبىزدىڭ قارجىلىق جاعدايىمىز كوتەرمەيدى. سوڭعى جىلدارداعى قۋاڭشىلىق ەڭسەمىزدى تىكتەۋگە مۇمكىندىك بەرمەۋدە. وبلىس اكىمى ارحيمەد مۇحامبەتوۆ جاعدايدى ءتۇسىنىپ, دەمەۋشىلەردىڭ ەسەبىنەن 140 ميلليون تەڭگە بولۋگە ىقپال ەتتى. 2013 جىلعى 10 قاڭتارعا 2012 جىل ءۇشىن 320,0 ميلليون تەڭگە وتەم جاسالدى. سونداي-اق, 2010-2011 جىلدارعى بەرەشەككە 23,1 ميلليون تەڭگە تولەندى. سوندا شارۋالارعا بارلىعى 343,1 ميلليون تەڭگە وتەم جاسالدى. وتەم قارجىلارىن العان شارۋالار الداعى كوكتەمگى ەگىسكە دايىندىققا كىرىسىپ تە كەتتى.
اقتوبە وبلىسى.