سەنبى, 26 قاڭتار 2013 7:17
ءبىر كەزدەرى شىمكەنت قالاسىنىڭ داڭقىن شارتاراپقا تانىتىپ, اتاعىن دۇركىرەتكەن «شينا» زاۋىتىنىڭ كەيىنگى جىلدارى جۇمىسى توقتاپ, كۇننەن-كۇنگە تونالىپ, كوز الدىمىزدا جوق بولىپ بارا جاتقانى كوپتىڭ كوڭىلىنە كىربىڭ ءتۇسىرىپ جۇرگەنى راس ەدى. بىرنەشە مىڭداعان جاندى جۇمىسپەن قامتىپ, مۇرجاسى بۇرقىراپ, قازانى قىز-قىز قايناپ جاتاتىن زاۋىتتىڭ مۇنداي مۇشكىل حالگە ءتۇسۋى قالتالى ازاماتتاردى دا قاتتى ويلاندىرسا كەرەك. ءسويتىپ, وسىدان ەكى جىل بۇرىن زاۋىت اۋماعىنان «ورداباسى» يندۋستريالىق ايماعى اشىلعان بولاتىن.
سەنبى, 26 قاڭتار 2013 7:17
ءبىر كەزدەرى شىمكەنت قالاسىنىڭ داڭقىن شارتاراپقا تانىتىپ, اتاعىن دۇركىرەتكەن «شينا» زاۋىتىنىڭ كەيىنگى جىلدارى جۇمىسى توقتاپ, كۇننەن-كۇنگە تونالىپ, كوز الدىمىزدا جوق بولىپ بارا جاتقانى كوپتىڭ كوڭىلىنە كىربىڭ ءتۇسىرىپ جۇرگەنى راس ەدى. بىرنەشە مىڭداعان جاندى جۇمىسپەن قامتىپ, مۇرجاسى بۇرقىراپ, قازانى قىز-قىز قايناپ جاتاتىن زاۋىتتىڭ مۇنداي مۇشكىل حالگە ءتۇسۋى قالتالى ازاماتتاردى دا قاتتى ويلاندىرسا كەرەك. ءسويتىپ, وسىدان ەكى جىل بۇرىن زاۋىت اۋماعىنان «ورداباسى» يندۋستريالىق ايماعى اشىلعان بولاتىن.
بۇگىندە بۇل اۋماقتا 30-عا جۋىق كاسىپورىن ورنالاسىپ, ءبىرنەشە جىلدان بەرى قاڭىراپ بوس جاتقان عيماراتتار كادەگە جاراۋدا. 1250-گە جۋىق ادام وسى كاسىپورىنداردان نەسىبەسىن تاۋىپ, تۇراقتى جۇمىسپەن قامتىلدى. بولاشاقتا بەس مىڭعا دەيىن ادامدى تۇراقتى جۇمىسپەن قامتۋعا مۇمكىندىك بار. ايماق اۋماعىندا 143 گەكتار جەر تەلىمى مەن 335 مىڭ شارشى مەتر وندىرىستىك عيمارات, 33 مىڭ شارشى مەتر قويما, 5 مىڭ شارشى مەتر كونتەينەرلىك الاڭ مەن 18 مىڭ شارشى مەتر كەڭسە عيماراتى بار. وسىنىڭ بارلىعى وبلىس ورتالىعىندا ەلباسى ەرەكشە تاپسىرعان كاسىپكەرلىكتىڭ قارىشتاپ قانات جايۋىنا مول سەپتىگىن تيگىزبەك. بۇل شىمكەنت قالاسىنداعى سالىق ءتۇسىمىن ارتتىرىپ, بيۋدجەتتىڭ ءبۇيىرىن تومپايتا تۇسەرى داۋسىز. ال بيۋدجەت قارجىسى كوبەيسە حالىقتىڭ كوكەيىن مازالاعان كوپتەگەن ماسەلەلەر وڭىنان شەشىلەتىنى تۇسىنىكتى.بۇل ايماقتا كاسىبىن ءدوڭگەلەتكىسى كەلگەن كاسىپكەرلەر ءۇشىن جاڭادان ينفراقۇرىلىم, ءوندىرىستىك, كەڭسە عيماراتتارىن, قويما, تەمىر جول تۇيىعى سەكىلدى اسا قاجەت نىسانداردى سالۋدىڭ قاجەتى جوق. ولار دايىن. تەك كاسىپورىنعا قاجەتتى قۇرال-جابدىقتاردى ورناتسا بولعانى. كاسىپورىن اشقىڭ كەلەدى مە, يدەيا بار ما, پايدالان دا, كەدەرگىسىز ىسكە كىرىسە بەر.تاعى ءبىر ايتا كەتەرلىگى, مۇندا كوممۋنالدىق قىزمەتتەردىڭ بارلىق ءتۇرى, مەيلى, ول سۋ, گاز, جارىق بولسىن, قالاداعى تاريفتەن 30 پايىزعا تومەن ەكەن. وسىنىڭ ارقاسىندا ايماققا جاقىن اۋماقتا قوسىمشا 37 كاسىپورىن ىسكە قوسىلىپتى. وندا دا مىڭنان استام ادام تۇراقتى جۇمىسپەن قامتىلعان.«يندۋستريالىق ايماقتىڭ جۇمىسىن جۇرگىزۋ, جانداندىرۋ ماقساتىندا بىرنەشە شەت مەملەكەتتەردىڭ تاجىريبەسىمەن تانىسىپ قايتتىم. سونىڭ ىشىندە تۇركيانىڭ ءتاسىلى كوڭىلىمە قونىمدى بولدى. وندا دا تۋرا بىزدىكىندەي ءادىستى قولدانادى. تەك ولارداعى ىسكە اسىرىلىپ جاتقان مەگاجوبالاردىڭ كولەمى وتە ءۇلكەن. جاقىن بولاشاقتا تۇركيالىق OSTIM كورپوراتسياسىمەن بىرلەسكەن جوبانى, ياعني قازاق-تۇرىك ايماقتىق وندىرىستىك ورتالىعىن قۇرۋ جوسپاردا بار. اتالعان كورپوراتسيا تۇركيامەن قاتار ەگيپەت, يراك جانە وڭتۇستىك-شىعىس ازيا, سولتۇستىك افريكا مەملەكەتتەرىندەگى يندۋستريالىق ايماقتاردى مەيلىنشە دامىتۋعا قول جەتكىزگەن ءىرى ورتالىق. انكارا قالاسىنىڭ وزىندەگى ايماقتا عانا 5 مىڭنان استام كاسىپورىن ونداعان مىڭ ءونىم تۇرلەرىن شىعارىپ جاتىر», دەيدى «يندۋستريالىق ايماق «ورداباسى» جشس-ءنىڭ ديرەكتورى نۇرعازى بۇحارباەۆ.بۇگىندە بۇل زاۋىت اۋماعىنان 30-عا جۋىق ءونىم ءتۇرى شىعارىلادى. ولاردىڭ اراسىندا ءتۇرلى قۇرىلىس زاتتارى, سۋ مەن كوگىلدىر وتىنعا ارنالعان پلاستيك قۇبىرلار, ەلەكتر ۇنەمدەگىش لامپالار, تۇرمىستىق سابىن, جۇك جانە جەڭىل اۆتوكولىكتەردىڭ الدىڭعى تەرەزەلەرى, پلاستيك تەرەزەلەر, موتور مايى جانە باسقا دا ونىمدەر شىعارىلۋدا. ءماسەلەن, الينەكس شىعاراتىن «Alina Trade» جشس ايىنا 40 ۆاگون ءونىم شىعارىپ جاتىر. بۇدان بولەك 5 گەكتار جەرگە جىلىجاي ورنالاستىرىلعان.جالپى العاندا وبلىس يندۋستريالاندىرۋ كارتاسى اياسىندا 2015 جىلعا دەيىن 111 جوبانى ىسكە اسىرۋدى جوسپارلاپ وتىر. وتكەن جىلى 27 جوبا ىسكە قوسىلىپ, 1820 جۇمىس ورنى اشىلدى. ال, جىل سوڭىندا تاعى 2 جوبا ىسكە قوسىلىپ, 355 ادام جۇمىسپەن قامتىلدى. كارتا اياسىندا ىسكە قوسىلعان كاسىپورىندار 14,5 ملرد. تەڭگەنىڭ ءونىمىن شىعاردى. ارينە, «ورداباسى» يندۋستريالىق ايماعى كەشەگى «شينا» زاۋىتىنىڭ كەزىندەگىدەي جۇمىسشىسى ساپىرىلىسىپ, ءىشى قۇج-قۇج قايناپ جاتپاسا دا ايتەۋىر ءبىر تىرشىلىكتىڭ نىشانى بار. جانە ول ەندى-ەندى شىم-شىمداپ قايناپ كەلە جاتقان تىرشىلىك. ءىرى كاسىپكەرلەرگە كەڭ جول اشقان بۇل ايماقتىڭ بولاشاعى ءالى الدا ەكەنى ايدان انىق.ورالحان ءداۋىت,«ەگەمەن قازاقستان».شىمكەنت.