ءتۋرنيردىڭ فينالىنا شىقتى

الەمدىك رەيتينگتە 101-ورىندا تۇرعان وتانداسىمىز جارىستىڭ جارتىلاي فينالىندا وسى ءتۋرنيردىڭ ەكىنشى, الەمنىڭ 98-راكەتكاسى, امەريكالىق مەديسون برەنگلمەن كۇش سىناستى. 1 ساعات 13 مينۋتقا سوزىلعان باسەكەدە زارينا دياس قارسىلاسىنان ەكى سەتتە 6:1, 7:5 ەسەبىمەن باسىم ءتۇستى. 

قانداسىمىز ءتۋرنيردىڭ فينالدىق سا­يىسىندا وسى جارىستىڭ ءبىرىنشى, الەمنىڭ 96-راكەتكاسى, پولشا ەلىنىڭ وكىلى ماگدا لينەتتپەن باس جۇلدەنى ساراپقا سالادى. پولشالىق تەننيسشى جارتىلاي فينالدا جەرگىلىكتى تەننيسشى سامانتا ماررەيدى 6:3, 6:0 ەسەبىمەن جەڭگەن بولاتىن.

اسەم تاڭاتار.