حالىق الدىندا ەسەپ بەردى

رومان سكلياردىڭ باياندا­ما­سىنداعى باستى ماسەلەنىڭ ءبىرى – «قاراپايىم زاتتار ەكونوميكاسى» سالالارىن جەڭىلدىكپەن نەسيەلەۋ باعدارلاماسىن جاساۋى بولدى. ماسەلەن, باعدارلاماعا بولىنەتىن 600 ملرد تەڭگەنىڭ 400 ملرد تەڭگەسى وڭدەۋ ونەر­كاسىبىنە باعىتتالدى. بۇل قازاق­ستاندىقتاردىڭ كۇندەلىكتى قول­داناتىن 250-گە جۋىق ونەر­كا­سىپتىك تاۋارلار ءوندىرىسىن ىسكە قوسۋعا مۇمكىندىك بەرەدى. 2025 جىلعا قاراي بيزنەستى جەڭىل­دەتىلگەن قارجىلاندىرۋ شاما­مەن 16 مىڭ تۇراقتى جۇمىس ورنىن قۇرۋعا, سالىق ءتۇسىم­دەرىنىڭ 1,1 ترلن-عا ءوسۋىن قامتا­ماسىز ەتۋگە مۇمكىندىك بەرەدى, «قاراپايىم زاتتار ەكونوميكا­سى» ءونىم يمپورتىنىڭ ۇلەسىن 59%-دان 37%-عا دەيىن تومەن­دەتەدى.

جىل سايىن 40-تان استام ەكسپورتتاۋشى قارجىلىق ءجا­نە 400-دەن اسا ەكسپورتتاۋ­شى سەرۆيستىك قولداۋ الادى. سو­نىمەن قاتار 2019 جىلى العاش رەت ەكسپورتتاۋشىلارعا دايىن تاۋارلاردى ەكسپورتتاۋ كەزىندە كولىك شىعىندارىن وتەۋ قاراستىرىلعان. ءىرى وتكىزۋ نارىقتارىنان الشاقتىقتى ەسكەرە وتىرىپ, تاۋاردىڭ ءوزىن­دىك قۇنىنداعى تاسىمالداۋ ۇلەسى 30%-عا دەيىنگى كورسەتكىشتى قۇرايدى, بۇل ەكسپورتتىق نا­رىق­تارداعى باعالىق باسەكەگە قابىلەتتىلىككە ەلەۋلى اسەر ەتەدى. تۇتاستاي العاندا, ەكسپورتتاۋشىلاردى قولداۋدىڭ قابىلداناتىن جۇيەلىك شارالارى 2022 جىلعا دەيىن شيكىزاتتىق ەمەس ەكسپورت كولەمىن 1,5 ەسە ۇل­عايتۋ ءۇشىن جاعداي جاساۋعا مۇمكىندىك بەرەدى.

سونىمەن قاتار رومان سكليار «نۇرلى جول» باعدارلاماسىنىڭ ورىندالۋى تۋرالى ايتىپ بەردى. مەملەكەتتىك باعدارلامانىڭ باسىنان باستاپ اۆتوجول سالاسىندا رەسپۋبليكالىق ماڭىزى بار 2,4 مىڭ كم اۆتوجول سالىندى جانە قايتا جاڭارتىلدى. اعىمداعى جىلى 4,4 مىڭ كم قاي­تا جاڭارتۋمەن قامتىلدى. جىل قورىتىندىسى بويىنشا 641 كم قايتا جاڭارتىلعان جولدا قوزعالىس اشۋ جوسپارلانىپ وتىر. رەسپۋبليكالىق ما­ڭىزى بار 1,5 مىڭ كم اۆتوجولدى جوندەۋمەن قامتۋ كوز­دەلگەن. ازاماتتىق اۆياتسيادا كور­سەتكىشتەردىڭ تۇراقتى ءوسۋى بايقالادى. 2018 جىلى تران­زيتتىك جولاۋشىلار سانى 900 مىڭ ادامدى قۇرادى, بۇل وتكەن جىلمەن سالىستىرعاندا 45%-عا ارتىق. 2020 جىلى ترانزيتتىك اۆياجولاۋشىلار سانى 1,6 ملن ادامدى قۇرايدى.

سونداي-اق مينيستر تۇر­عىن ۇيمەن قامتاماسىز ەتۋ ماسە­لەسىندەگى نەگىزگى كور­سەتكىشتەر تۋرالى اتاپ ءوتتى. 2018 جىلى 12,5 ملن شارشى مەتر جاڭا تۇرعىن ءۇي پايدالانۋعا بەرىلدى. 2017 جىلعى دەڭگەيگە قاراعاندا ءوسىم +12,1%-دى قۇرادى. اعىمداعى جىلى 13,0 ملن شارشى مەتر جاڭا تۇرعىن ءۇي سالىنادى. جىل باسىنان بەرى 4,6 ملن شارشى مەتر تۇرعىن ءۇي نىساندارى پايدالانۋعا بەرىلدى. كوپ بالالى وتباسىلار ءۇشىن 7 جىلعا جالعا بەرىلەتىن تۇرعىن ءۇي سالۋ­عا جانە ساتىپ الۋعا 350 ملرد تەڭگە قاراستىرىلعان. وسى كەزەڭ ىشىندە جىل سايىن 6 مىڭ جالعا بەرىلەتىن پاتەردىڭ قۇرى­لىسى قامتاماسىز ەتىلەتىن بولادى. اعىمداعى جىلدىڭ مامىر ايىندا اكىمدىكتەر كوپ بالالى وتباسىلار ءۇشىن جالعا بەرىلەتىن تۇرعىن ءۇي بەرە باس­تادى. قوسىمشا تۇرعىن ءۇي قۇ­رىلىس جيناق بانكى ارقىلى از قامتىلعان كوپ بالالى, تولىق ەمەس وتباسىلار مەن مۇمكىندىگى شەكتەۋلى بالالارى بار وتباسىلاردى جىلدىق 2%-بەن نەسيەلەۋ ەنگىزىلۋدە. بۇل جىل سايى­ن 6 مىڭ وتباسىنىڭ تۇرعىن ءۇي جاعدايىن جاقسارتۋعا مۇمكىندىك بەرەدى.