ال ءساۋىر ايىمەن سالىستىرعاندا مامىرداعى كورسەتكىش كەرىسىنشە 0,1% ازايىپ كەتكەن. ونىڭ سەبەبى قوردان بولىنەتىن قاراجاتتىڭ قورعا تۇسەتىن قاراجاتتان كوبەيىپ كەتۋى. ايتا كەتەرلىگى, بيىل مامىرداعى كورسەتكىش 2014 جىلدان بەرگى ماكسيمۋم رەتىندە تىركەلىپ وتىر. الايدا دوللارعا شاققاندا كورسەتكىش كەرىسىنشە تومەندەپ كەتكەن بولۋى دا ىقتيمال. ويتكەنى, 2014 جىلدىڭ مامىرىندا 13,8 ترلن تەڭگە بولعان قاراجات 2015 جىلى 15,9 ترلن تەڭگەگە جەتسە, 2016-دا 25,5 ترلن-عا دەيىن جەتكەن. بىراق 2017 جىلى كورسەتكىش 22,9 ترلن تەڭگەگە تومەندەگەنىمەن, 2018 جىلى قايتادان 23,1 ترلن تەڭگەگە جەتكەن. جالپى, جىل باسىنان مامىرعا دەيىنگى ارالىقتا ۇلتتىق قورعا 1,5 ترلن تەڭگە تۇسكەن. بۇل بىلتىرعى وسى ۋاقىتتاعىمەن سالىستىرعاندا 14,1 پايىز كوپ.
2015 جىلدان باستاپ جىل باسىنداعى بەس ايدا كورسەتكىش تۇراقتى تومەندەپ كەلگەن, بيىل عانا «پليۋسكە» شىعىپ وتىر. بەس ايدا تۇسكەن قاراجاتتىڭ بارلىعى دەرلىك مۇناي سالاسىنداعى كاسىپورىنداردىڭ تولەگەن سالىعىنان قۇرالىپ وتىر. مۇناي كومپانيالارى وسى ارالىقتاعى ۇلتتىق بانك تابىسىنىڭ 98,1 پايىزىن بەرسە, قالعانى جالپى كىرىسكە تيەسىلى. ال رەسپۋبليكالىق مەنشىكتەگى مەملەكەتتىك م ۇلىكتى جەكەشەلەندىرۋدەن تۇسكەن قاراجات پەن تاۋ-كەن جانە وڭدەۋ ونەركاسىبىندەگى كومپانيالاردان تۇسكەن تابىس بىلتىرعى وسى ۋاقىتتاعىدان 65,3% ۇلعايىپ, 13 ملرد تەڭگەگە جەتتى. مۇناي سەكتورىنداعى وزگە دە وپەراتسيالاردان تۇسكەن تابىس بولسا 11,7 ملرد تەڭگەنى قۇراپ, بىلتىرعىدان 22,1 ەسەگە ارتىپ وتىر. سونىمەن قاتار رەسپۋبليكالىق بيۋدجەتتەن اۋدارىلاتىن ماقساتتى ترانسفەرت بىلتىرعىدان كەرىسىنشە 96,3% ازايىپ كەتكەن ەكەن. ال اۋىل شارۋاشىلىق جەرلەرىن ساتۋدان تۇسكەن كىرىس تە 6,4%-عا ازايعان. ءوز كەزەگىندە ۇلتتىق قوردىڭ شىعىنى دا بىلتىرعىدان 43,3%-عا ۇلعايىپ, 1,5 ترلن تەڭگەنى قۇرادى. ەستەرىڭىزگە سالا كەتەيىك, بىلتىر وسى ۋاقىتتاعى شىعىن 1,1 ترلن تەڭگە عانا بولعان. سونىڭ ىشىندە كەپىلدەندىرىلگەن ترانسفەرتتىڭ كولەمى 1,2 ترلن تەڭگەگە جەتتى. بىلتىر كورسەتكىش 1,1 ترلن تەڭگە بولعان. ياعني, شىعىننىڭ ءبارى وسى كەپىلدەندىرىلگەن ترانسفەرتكە تيەسىلى ەدى. بيىل كورسەتكىشتىڭ تاعى كوبەيۋى نازارباەۆتىڭ بىلتىر جىل سوڭىنداعى جولداۋدا ايتقان الەۋمەتتىك باعدارلامالار مەن بيزنەستى قولداۋعا ارنالعان باعدارلامالاردى قارجىلاندىرۋىنان بوسلا كەرەك. سونىمەن قاتار بيىل وسىعان قوسا تىكەلەي ينۆەستيتسيا قورىنا 370 ملرد تەڭگەنىڭ اۋدارىلعانى دا بەلگىلى. قوردى باسقارۋ مەن جىل سايىنعى سىرتقى ءاۋديتتى جاساۋ ءۇشىن كەتكەن شىعىن 1,6 ملرد تەڭگەگە جەتتى. بىلتىر كورسەتكىش 11,6 ملرد بولعان ەدى.
2019 جىلدىڭ قاڭتار-ساۋىرىندە ۇلتتىق قورعا تۇسكەن ءتۇسىم 1 ترلن تەڭگەنى قۇرادى.
بۇل 2018 جىلدىڭ ۇقساس كورسەتكىشىمەن سالىستىرعاندا (696 ملرد تەڭگە) 46,7%-عا ارتىق. ايماقتىق بولىنىستە تۇسىمدەردىڭ ەڭ كوپ كولەمىن اتىراۋ وبلىسى (534 ملرد تەڭگە), بقو (172,3 ملرد تەڭگە) جانە ماڭعىستاۋ وبلىسى (120,4 ملرد تەڭگە) قامتاماسىز ەتتى. قىزىلوردا وبلىسى — 106 ملرد تەڭگە, اقتوبە وبلىسى – 44,1 ملرد تەڭگە, نۇر-سۇلتان – 32 ملرد تەڭگە, ال الماتى وبلىسى – 6,6 ملرد تەڭگە تولەدى. تۇركىستان وبلىسىنان تۇسكەن تۇسىمدەر 3,9 ملرد تەڭگەنى, شقو – 1,4 ملرد تەڭگەنى, الماتى وبلىسىنان – 91,3 ملن تەڭگەنى, جامبىل وبلىسىنان – 2,9 ملن تەڭگەنى, قاراعاندى وبلىسىنان — 1,4 ملن تەڭگەنى, ال اقمولا وبلىسىنان – 1,6 ملن تەڭگەنى قۇرادى. ءوز كەزەگىندە پاۆلودار وبلىسى ۇلتتىق قورعا ءتورت ايدا 471 مىڭ تەڭگە, شىمكەنت – 349 مىڭ تەڭگە, ال قوستاناي وبلىسىنا – 50 مىڭ تەڭگە اۋداردى. ال سقو-نان ەشقانداي تۇسىمدەر بولعان جوق الماتى