"ەلباسى, تۇڭعىش پرەزيدەنتىمىز نۇرسۇلتان ءابىش ۇلى نازارباەۆ سىر حالقىنا ارقاشان قامقور بولىپ, قولداپ كەلدى. ەلباسى سىر ەلىن الاشتىڭ اناسىنا بالاعانى بارشاڭىزعا بەلگىلى. ەلباسىنىڭ «تاۋەلسىزدىك جىلدارىنداعى جەتىستىكتى ءبىر عانا قىزىلوردا وبلىسىنان كورۋگە بولادى» دەگەن ءسوزى سىر جۇرتشىلىعىن قاناتتاندىرىپ, العا قاراي جەتەلەدى. كورمەنى 130 مىڭنان استام سىر ءوڭىرىنىڭ تۇرعىندارى قىزىعا ءارى ماقتانىشپەن تاماشالادى. سىر جۇرتشىلىعى, وبلىس اقساقالدارى ەلباسىنا دەگەن العاۋسىز العىسى مەن رياسىز كوڭىلىن حاتقا ءتۇسىرىپ, ەلباسىنا جولداۋدى ءجون كورىپ وتىر,-دەدى وبلىس اكىمى.
"ن.نازارباەۆ: ءداۋىر, تۇلعا, قوعام" كورمەسى ءوز جۇمىسىن 5 ساۋىردە شيەلى جانە قارماقشى اۋداندارىندا جىلجىمالى ەكسكۋرسيالار وتكىزۋدەن باستاعان بولاتىن. سالتاناتتى شارا بارىسىندا وبلىس ورتالىعىندا قورقىت اتا اتىنداعى مەملەكەتتىك ۋنيۆەرسيتەتىنىڭ ستۋدەنتتەرىمەن كەزدەسۋ, حالىقارالىق عىلىمي-پراكتيكالىق كونفەرەنتسيا, سونداي-اق, جاستارمەن كەزدەسۋ ۇيىمداستىرىلدى.
قىزىلوردا وبلىسى.