ن.بەكەجانوۆ اتىنداعى وبلىستىق مۋزىكالىق-دراما تەاترىندا مەديتسينا قىزمەتكەرلەرى كۇنىنە ارنالعان مەرەكەلىك ءىس-شاراسىندا قىزىلوردا وبلىسى اكىمىنىڭ ورىنباسارى رۋسلان رۇستەموۆ دەنساۋلىق ساقتاۋ سالاسى قىزمەتكەرلەرىن كاسىبي مەرەكەلەرىمەن قۇتتىقتادى, "دەنساۋلىق ساقتاۋ سالاسىنىڭ قارجىسى ءبىر جىلدىڭ وزىندە وبلىس اكىمىنىڭ قولداۋىمەن 7,2%, سونىڭ ىشىندە ماتەريالدىق-تەحنيكالىق بازاسىن ارتتىرۋعا بولىنگەن قارجى 20,2% ءوستى. وبلىستاعى دەنساۋلىق ساقتاۋ ۇيىمدارىن زاماناۋي مەديتسينالىق تەحنيكامەن جابدىقتاۋ 2018-2019 جىلداردىڭ وزىندە 34,9% ءوسىپ, قامتۋ 79,26% قۇراپ وتىر", - دەپ اتاپ ءوتتى رۋسلان رۇستەم ۇلى.
سالتاناتتى شارادا وبلىستىڭ ۇزدىك دارىگەرلەرى قۇرمەت گراموتالارىمەن جانە العىس حاتتارمەن, سونداي-اق "دەنساۋلىق ساقتاۋ سالاسىن دامىتۋعا قوسقان ۇلەسى ءۇشىن" جانە "دەنساۋلىق ساقتاۋ ءىسىنىڭ ۇزدىگى" توسبەلگىلەرىمەن ماراپاتتالدى.
وبلىس اكىمىنىڭ ورىنباسارى مەديتسينا قىزمەتكەرلەرى كۇنىنە ارنالعان جيىندا ءوڭىردىڭ ۇزدىك 5 دارىگەرىنە تۇرعىن ءۇي الۋعا سەرتيفيكات تابىستادى. ولارعا تۇرعىن ءۇيدىڭ باستاپقى جارناسى 1 ملن. جانە 500 مىڭ تەڭگە سوماسىنداعى سەرتيفيكاتتار بەرىلدى.
قىزىلوردا وبلىسى.