ۇندەۋدە: «قاسىم-جومارت كەمەل ۇلى – اتى دۇنيەجۇزىنە ءمالىم, ديپلوماتيالىق قىزمەتتىڭ بارلىق ساتىسىنان ءوتىپ, بىرىككەن ۇلتتار ۇيىمىندا ەلىمىزدىڭ وكىلى بولعان تاجىريبەلى ساياساتكەر. قيىن ەكونوميكالىق كەزەڭدە پرەمەر-مينيستر قىزمەتىن اتقارعان. حالىقتىڭ ءومىر ءسۇرۋ ساپاسى مەن قاراجات تابىسىن قالايشا ارتتىرۋ كەرەكتىگىن جاقسى تۇسىنەتىن جاناشىر.
ءوزىنىڭ «ساباقتاستىق, ادىلدىك, ورلەۋ» سايلاۋالدى باعدارلاماسىندا قاسىم-جومارت توقاەۆ ءار قازاقستاندىق ازاماتقا تەڭ مۇمكىندىك بەرىلەتىنىنە باسا نازار اۋدارعان. بۇل ۇستانىم قوعامدىق ءومىردىڭ بارلىق سالالارىن قامتيدى.
سوندىقتان ءبىز, «قىزىلوردا – نەۆادا – سەمەي» قوعامدىق بىرلەستىگى مۇشەلەرى, «Nur Otan»پارتياسىنىڭ اتىنان قر پرەزيدەنتتىگىنە كانديدات رەتىندە ۇسىنىلعان قاسىم-جومارت توقاەۆتى قولدايمىز. بارلىق قىزىلوردالىقتاردى تاتۋلىق پەن بىرلىككە جانە باستى قۇندىلىقتارىمىزعا قۇرمەتپەن قاراۋعا, ۇندەۋىمىزدى قابىل الىپ, توقاەۆقا داۋىس بەرۋگە شاقىرامىز»,-دەلىنگەن.