ورتالىقتان الىس جاتقان ارال قالاسىندا بۇگىنگە دەيىن ءتورت مىڭ كاسىپكەرلىك سۋبەكتىسى تىركەلىپتى.
بۇگىندە ەڭ ءوتىمدى تاۋار ازىق-ت ۇلىك بولىپ وتىرعاندىعى بەلگىلى. كاسىپكەرلەر ءالىبي تىلەۋبەرگەنوۆ مەملەكەتتىك قولداۋ ارقىلى مىڭ تاۋىق ءوسىرىپ, تاۋلىگىنە ورتاشا ەسەپپەن 600-700-گە دەيىن جۇمىرتقا الىپ وتىر. اۋىلداعى تاۋىقتارداي اۋلاعا جەم شاشاتىنداي ەمەس, جۇمىرتقالاعىش تاۋىقتارعا دارۋمەنى مول قۇراما جەم كەرەك. العاشقىدا تاماقتانۋ راتسيونىن جاساي الماي قينالعان كاسىپكەر ءىستىڭ كوزىن بىلەتىن ارناۋلى ءبىلىمى بار مامان العان.
- وتكەن جىلدىڭ قورىتىندىسى بويىنشا اۋدان تۇرعىندارى ءتۇرلى قارجى ينستيتۋتتارى ارقىلى كولەمى 1,6 ملرد تەڭگە نەسيە الدى. جىل باسىنان «بيزنەستىڭ جول كارتاسى 2020» باعدارلاماسى بويىنشا جالپى قۇنى 161 ملن تەڭگەنى قۇرايتىن 10 جوبا ماقۇلداندى. وڭىرلىك ينۆەستيتسيا ورتالىعى ارقىلى 61,5 ملن تەڭگەنى قۇرايتىن 5 جوبا كەلىسىلدى. بۇدان بولەك, قازىرگى كەزدە اۋدان بويىنشا 312 ملن تەڭگەنى قۇرايتىن 88 جوبا دايىندالىپ, ءتۇرلى قارجى ينستيتۋتتارىنا تاپسىرۋ دايىندىق ۇستىندە,- دەيدى اۋداندىق ونەركاسىپ, كاسىپكەرلىك جانە تۋريزم ءبولىمىنىڭ باسشىسى راحمەتجان بيسەمباەۆ.
مەملەكەتتىك قولداۋ بيزنەسپەن شۇعىلدانعىسى كەلەتىن ازاماتتارعا وسىلايشا وڭتايلى جاعداي جاساپ وتىر.
قىزىلوردا وبلىسى