اتاپ ايتقاندا, سوڭعى بەس جىلدا شارۋاشىلىق قۇرىلىمدارى بارلىعى 20 788 ملن تەڭگەگە 1012 دانا اۋىلشارۋاشىلىعى تەحنيكالارىن الدى. ونىڭ ىشىندە, 18 026 ملن تەڭگەنىڭ 582 دانا تەحنيكاسى «كازاگروقارجى» ارقىلى ليزينگكە بەرىلسە, 2761 ملن تەڭگەنىڭ 430 دانا تەحنيكا شارۋاشىلىق قۇرىلىمدارىنىڭ ءوز قارجىسى ەسەبىنەن الىنىپ وتىر.
بيىل اۋىل شارۋاشىلىعى تاۋارىن وندىرۋشىلەردىڭ قولىنداعى 1721 تراكتور, 449 سوقا, 219 تۇقىم سەپكىش, 342 اۆتوماشينا جانە 830 تراكتور تىركەمە تولىعىمەن جوندەۋدەن وتكىزىلىپ, كوكتەمگى دالا جۇمىستارىنا قاتىسىپ جاتىر.
سونىمەن قاتار, اعىمداعى جىلى اۋىلشارۋاشىلىق قۇرىلىمدارىمەن «قازاگروقارجى» اق-ى ارقىلى 3 ملرد تەڭگەگە 70 بىرلىك اۋىل شارۋاشىلىعى تەحنيكالارىن ليزينگكە الۋ جوسپارلانىپ, بۇگىنگى كۇنگە بارلىعى 28,3 ملن تەڭگەگە 5 دانا اۋىل شارۋاشىلىعى تەحنيكالارى ساتىپ الىندى.