«كەز كەلگەن مەملەكەتتە زيالى قاۋىم وكىلدەرى قوعامنىڭ باستى رۋحاني تىرەگى بولىپ تابىلاتىنى بۇرىننان بەلگىلى. بارلىق ۋاقىتتا ينتەلليگەنتسيا ۇلتتىڭ ار-ۇجدان, قوعامنىڭ رۋحاني جاعدايىنىڭ نەگىزگى ينديكاتورى بولدى. بۇگىندە قازاقستاننىڭ بارلىق جەتىستىكتەرى ەلباسىنىڭ قازاقستاندى جاڭعىرتۋعا ارنالعان ستراتەگيالىق باعىتىمەن تىعىز بايلانىستى. سوندىقتان, ءححى عاسىردىڭ جاھاندىق شىنايىلىعىنا ساي كەلەتىن جاڭا قۇندىلىق جۇيەسىن قۇرايتىن «بولاشاققا كوزقاراس: قوعامدىق سانانى جاڭعىرتۋ» جانە « ۇلى دالانىڭ جەتى قىرى» ماقالالارىندا جاريا سانا-سەزىمىن جاڭعىرتۋ جونىندەگى ەلباسىنىڭ باعدارلاماسى ءبىزدىڭ قوعامىمىزدىڭ دامۋى ءۇشىن ۇلكەن ءرول اتقارادى. سوندىقتان دا ءبىزدىڭ پارتيادان ۇمىتكەر قاسىم-جومارت كەمەل ۇلى توقاەۆ ەلباسىنىڭ ەل دامۋىنداعى باعىتىن جالعاستىرماق», دەدى ەرقانات مانجۋوۆ.
ال, ءوز سوزىندە پارتيا ارداگەرى, شتاب مۇشەسى امزەبەك جولشىبەكوۆ پرەزيدەنتىككە كانديدات قاسىم-جومارت توقاەۆتىڭ قىزمەت جولىن, تابىستى جەتىستىكتەرىن, باسقارۋشىلىق تاجىريبەسىن ايتا كەلە, ءاربىر ازاماتتى سايلاۋ كەزىندە ءوز تاڭداۋىن جاساۋعا شاقىردى. بۇدان كەيىن ءسوز العان قازاقستاننىڭ ەڭبەك سىڭىرگەن قايراتكەرى, اقىن قايىربەك اسانوۆ جازۋشى كەمەل توقاەۆپەن قىزمەتتەس بولعانىن اڭگىمەلەپ, ەستەلىكتەر ايتتى. سونىمەن قاتار, بارشا جامبىلدىقتاردى سايلاۋعا قاتىسۋعا ۇندەدى. قازاقستان جازۋشىلار وداعىنىڭ مۇشەسى, اقىن شىرىن ماماسەرىكوۆا كۇن ساناپ قارىشتاپ دامىپ بارا جاتقان ەلىمىز تۋرالى اڭگىمەلەپ, ونىڭ ىشىندە ەلباسى نۇرسۇلتان نازارباەۆتىڭ ەرەن ەڭبەگى بار ەكەنىن اتاپ ءوتىپ, ولەڭ وقىدى. ال, وبلىستىق «اق جول» گازەتىنىڭ باس رەداكتورى, جازۋشى كوسەمالى ءساتتىباي ۇلى قاسىم-جومارت توقاەۆتىڭ زيالى وتباسىندا تاربيەلەنگەنىن, اكەسى كەمەل توقاەۆ قازاقتىڭ تۇڭعىش دەتەكتيۆ جازۋشىسى بولعانىن, سونىمەن قاتار قالامگەردىڭ اۋليەاتا توپىراعىندا دا ءىزى قالعانىن, سول كەزدەگى «ستالين جولى» گازەتىندە قىزمەت اتقارعانىن ايتسا, قر مادەنيەت قايراتكەرى الىبەك امزە ۇلى حالىق بولاشاق ۇرپاقتىڭ قامى ءۇشىن سايلاۋ كەزىندە لايىقتى تاڭداۋ جاسايتىنىنا سەنىم ءبىلدىردى.
ءسوز سوڭىندا ەرقانات مانجۋوۆ بارشا جامبىلدىقتاردى 9 ماۋسىم كۇنى وتەتىن سايلاۋعا كەلىپ, قازاقستاننىڭ تابىستى بولاشاعى ءۇشىن Nur Otan پارتياسىنان كانديدات قاسىم-جومارت كەمەل ۇلى توقاەۆقا داۋىس بەرۋگە شاقىردى.