بەيسەنبى, 4 ءساۋىر 2013 1:56
ءبىر زاماندارى ءومىر شىندىعىن تاپ باسىپ كورسەتكەن ورىس جازۋشىسى ن.گوگولدىڭ رەسەيدىڭ ەكى سورى تۋرالى ايتقانى بار ەدى. ونىڭ ءبىرىنشىسى جولدىڭ جايى بولاتىن. بۇگىنگى تاڭدا ميلليونداعان ماشينا جورتىپ جۇرگەن قازاق ەلى جولىنىڭ دا كوپ جاعدايدا سىن كوتەرە بەرمەيتىنى ايداي انىق. اسىرەسە, كوكتەم كەلىپ, قار ەرىگەننەن كەيىنگى كەزەڭدە جولداردىڭ وت ورنىنداي ويدىم-ويدىم, شۇرق-تەسىك بولىپ جۇرگىزۋشىلەردىڭ جۇيكەسىنە تيەتىنىن ەشكىم جوققا شىعارا الماسا كەرەك.
بەيسەنبى, 4 ءساۋىر 2013 1:56
ءبىر زاماندارى ءومىر شىندىعىن تاپ باسىپ كورسەتكەن ورىس جازۋشىسى ن.گوگولدىڭ رەسەيدىڭ ەكى سورى تۋرالى ايتقانى بار ەدى. ونىڭ ءبىرىنشىسى جولدىڭ جايى بولاتىن. بۇگىنگى تاڭدا ميلليونداعان ماشينا جورتىپ جۇرگەن قازاق ەلى جولىنىڭ دا كوپ جاعدايدا سىن كوتەرە بەرمەيتىنى ايداي انىق. اسىرەسە, كوكتەم كەلىپ, قار ەرىگەننەن كەيىنگى كەزەڭدە جولداردىڭ وت ورنىنداي ويدىم-ويدىم, شۇرق-تەسىك بولىپ جۇرگىزۋشىلەردىڭ جۇيكەسىنە تيەتىنىن ەشكىم جوققا شىعارا الماسا كەرەك.
جاقىندا الماتىعا بارىپ, قاپشاعاي قالاسىنا ءاتىزىن سالعان ەدىك. كەزىندە تالايدى تاڭداي قاقتىرعان تاس جولدىڭ بۇگىنگى جاعدايى كوڭىلگە قاياۋ ءتۇسىردى. ارينە, ونداي جولدار قاي وڭىرگە اتباسىن تىرەسەڭىز دە الدىڭنان شىعىپ جاتادى. شۇقىرلاردان قاشىپ بىرەسە ولاي, بىرەسە بىلاي «بۇلعاقتاعان» كولىكتەردەن كوز سۇرىنەدى. اڭداۋسىزدا شۇقىرعا ءتۇسىپ كەتىپ, دوڭگەلەگى جارىلعان ماشينالار دا كەزدەسەدى. وسىنداي حالدەگى ءبىر ازامات قول كوتەرگەن سوڭ, اتتاپ ءوتىپ كەتە الماي توقتاۋعا تۋرا كەلدى. الپىستان اسىپ, جەتپىستى القىمداپ قالعان, ءوڭىن ءاجىم تورلاعان, ءجۇزى كۇرەڭىتكەن اعامىز: «مىناۋ سۇمدىق قوي, قالتالىلاردىڭ ماشيناسى سىنسا قينالماي جوندەپ الادى, ال تيىن-تەبەندى بالا-شاعانىڭ اۋزىنان جىرىپ, ەسكى كولىككە ارەڭ قول جەتكىزگەن ءبىز سەكىلدىلەردىڭ اياق ارتارى سىنسا كىم قارايلاسادى؟ وسى جول وڭدى عوي دەسەك, بۇل دا ءبىتىپتى», دەدى. تاعى دا ول: «الگىندە ءبىر كولىك جۇرگىزۋشى ويلاندىرار پىكىر ايتىپ, انا كوپىردىڭ جاقتاۋىنداعى ءسوزدى وقى, بوسقا كۇيىپ-جانعانشا توياتتاپ تۇرا بەرمەيسىڭ بە؟» دەمەسى بار ما. ارتىنان قاراسام, كوپىرگە كوش قۇلاش ەتىپ: «قازاقستان قازىنالى ەل, قارقىندى دامىعان ەل» دەپ ءىلىپ قويىپتى. سونى وقىعاننان كەيىن: «بىزدەگى ءسوز بەن ءىس قاشان ۇيلەسىم تابار ەكەن, دەمەسكە شارام قالمادى», دەپ كەيىستىك تانىتتى.شىنىندا, كەيبىر اكىم-قارالار, باسقا دا باسشىلار وزدەرى قىزمەت ەتىپ جۇرگەن ءوڭىردىڭ حال-قادىرىن ەسكەرمەي, كەز كەلگەن جەرگە, ءتىپتى, ۇسقىنى كەتكەن اۋىلداردىڭ كىرەبەرىسىنە دە ۇراندى سوزدەردى, ەلباسى الدەنەشە رەت ەسكەرتكەنىنە قاراماي, جۇرت قالاي قابىلدايدى دەمەي كورىنىپ قالۋ ءۇشىن مەملەكەت باسشىسىنىڭ سۋرەتىن جالاۋلاتىپ ءىلىپ قوياتىنى بار. مۇنداي كوزبوياۋشىلىق كوپ جاعدايدا ەل كوڭىلىنەن شىقپاي جاتاتىنىن نەسىن جاسىرامىز. جالپى, ءىس پەن ءسوز ۇيلەسىپ بارىپ, تىڭعىلىقتى ىسپەن دايەكتەلسە, حالىق كوڭىلىنەن شىعارى حاق. ال ءسوز ادەمى جازىلىپ, ءىس ناتيجەلى بولماسا, ول قۇمعا سىڭگەن ءبىر تامشى بولارى اقيقات.ءيا, «ءسوزىڭ – ءوزىڭ» دەپ الاش ارىسى سۇلتانماحمۇت تورايعىروۆ ايتقانداي, جول بويىنداعى سۋرەت پەن سوزدەردى سۇزگىدەن وتكىزىپ, شىندىقتىڭ شىرايىن ۇلتتىق رۋحانياتىمەن استاستىرا الساق نۇر ۇستىنە نۇر بولار ەدى.
سۇلەيمەن مامەت,«ەگەمەن قازاقستان».