ءماجىلىس توراعاسى نۇرلان نىعماتۋلين اۋستريا رەسپۋبليكاسىنا العاش رەت رەسمي ساپارمەن باردى. بۇل تۋرالى پارلامەنت ماجىلىسىنىڭ ءباسپاسوز قىزمەتى حابارلادى.
ءىس-ساپار بارىسىندا ن.نىعماتۋليننىڭ اۋستريا پارلامەنتى ۇلتتىق كەڭەسىنىڭ توراعاسى ۆ.سوبوتكامەن كەلىسسوز جۇرگىزۋى جوسپارلانعان.
سونىمەن قاتار, اۋستريا پارلامەنتى فەدەرالدىق كەڭەسىنىڭ باسشىسى ي. اپپەمەن, ەقىۇ قازىرگى توراعاسى م. لايچاكپەن جانە ەقىۇ پارلامەنتتىك اسسامبلەياسىنىڭ جەتەكشىسى گ. تسەرەتەليمەن كەزدەسۋلەرى قاراستىرىلعان.
سونداي-اق, نۇرلان نىعمات ۋلين ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنىڭ قىسقى سەسسياسىندا ءسوز سويلەيدى دەپ كۇتىلۋدە. اسسامبلەيا ەۋروپانىڭ, ازيانىڭ جانە سولتۇستىك امەريكانىڭ 57 ەلىنىڭ 300-دەن استام پارلامەنت وكىلدەرىن بىرىكتىرەدى. سەسسيا بارىسىندا ءماجىلىس توراعاسىنىڭ بىرقاتار ەكىجاقتى كەزدەسۋلەرى جوسپارلانعان.