جاستار جىلىنا وراي اۋليەاتا وڭىرىندە ەرىكتىلەر قوزعالىسىن دامىتۋ, ولاردىڭ جۇمىسىن قايىرىمدىلىققا باعىتتاۋ, سول ارقىلى جاستاردى قايىرىمدىلىققا تاربيەلەۋ جولعا قويىلىپ كەلەدى.
قازىر وبلىستا «جىبەك جولى جاستارى» ۆولونتەرلەر قوزعالىسى بار. جالپى, ءوڭىر بويىنشا مىڭنان استام ەرىكتىلەردىڭ دەرەكقورى جاسالعان. جۋىردا عانا ۆولونتەرلەر 3 اپتا بويى تاراز قالاسىنداعى 450-گە جۋىق قامقورلىق پەن قولداۋعا مۇقتاج وتباسىنى انىقتادى.
وسى ورايدا, وبلىستىق جاستار ساياساتى ماسەلەلەرى باسقارماسىنىڭ ۇيىمداستىرۋىمەن تاراز قالاسىندا قايىرىمدىلىق اكتسياسى وتكەنىن دە اتاپ وتكەن ءجون. اكتسيا اياسىندا 220 تۇرمىسى تومەن وتباسىنا كومەك كورسەتىلدى. ونىڭ ىشىندە كوپ بالالى وتباسىلار, جالعىزباستى انالار, مۇمكىندىگى شەكتەۋلى بالالارى بار جاندار. شارا بارىسىندا ولارعا ۇن, كۇنباعىس مايى, شاي, شەكەر, كۇرىش, ماكارون, قاراقۇمىق سياقتى ازىق-ت ۇلىك تابىستالدى. ءار وتباسىنا كيىم-كەشەكتەر دە تاراتىلدى.
− الداعى ۋاقىتتا قايىرىمدىلىق دۇكەندەرى ىسكە قوسىلادى. ۆولونتەرلەر مەن كاسىپكەرلەردىڭ تىعىز بايلانىسىن ورناتا وتىرىپ, بەس جەرگە ارنايى جاشىكتەر قويىلادى. سونىمەن قاتار ازىق-ت ۇلىك, كيىم-كەشەك سىندى تۇتىنۋ زاتتارىن جيناقتاپ, تاراتۋ جۇمىستارى قولعا الىنادى. بۇل جۇمىس جۇيەلەنىپ تۇراقتى تۇردە جالعاسىن تابادى, − دەيدى باسقارما باسشىسى ءمادي ماتەن.
ايتا كەتەيىك, باسقارمانىڭ مەملەكەتتىك الەۋمەتتىك تاپسىرىسى شەڭبەرىندە «ۆولونتەرلەر مەكتەبىنىڭ جۇمىسىن جۇرگىزۋ, ۇيلەستىرۋ جانە ولاردىڭ الەۋەتىن دامىتۋعا باعىتتالعان ءىس-شارالاردى ۇيىمداستىرۋعا» 15 ميلليون تەڭگە قارجى قارالعان. مۇنداي قايىرىمدىلىق شارا بارلىق اۋداندا ءبىر مەزەتتە ۇيىمداستىرىلاتىن بولادى.
حاميت ەسامان,
«ەgemen Qazaqstan»
جامبىل وبلىسى