ءۇندىستان ۇكىمەتى 2015 جىلى نەپالدا بولعان جەر سىلكىنىسى اسەرىنەن ەۆەرەستىڭ بيىكتىگى وزگەرۋى مۇمكىن دەيدى. بۇل تۋرالى BBC News اقپاراتتىق اگەنتتىگى جازدى.
كوميسسيا توراعاسى سۆارنا سۋببا راو الەمنىڭ ەڭ جوعارى نۇكتەسىنە ەكسپەديتسيا ەكى ايدان سوڭ اتتاناتىنىن ايتتى. گيمالايدىڭ بيىكتىگىن ولشەۋگە شامامەن ءبىر ايعا جۋىق ۋاقىت كەتەدى دەپ جوسپارلانعان.
عالىمدار 2015 جىلعى جەر سىلكىنىسىنەن سوڭ ەۆەرەستىڭ ءوز دەڭگەيىنەن تومەندەگەنىن ايتقان بولاتىن. 1955 جىلعى ولشەم بويىنشا شىڭنىڭ بيىكتىگى - 8848 مەترگە تەڭ.
ايتا كەتەيىك, 2015 جىلى نەپالدا 7,8 بالدىق جەر سىلكىنىسى بولىپ, 8000-عا جۋىق ادام قازا تاپقان-دى.