ەگەر بالانىڭ اناسى جۇمىس ىستەمەسە, وعان بالا تۋعاننان كەيىن جاردەماقى تاعايىندالادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
دۇنيە ەسىگىن اشقان ءبىرىنشى, ەكىنشى,ء ۇشىنشى بالاعا - 95 950 تەڭگە,ء تورتىنشى جانە ودان دا كوپ بالاعا – 159 075 تەڭگە بىررەتتىك مەملەكەتتىك جاردەماقى بەرىلەدى.
2018 جىلى وسىنداي جاردەماقى 395 مىڭ ادام الدى. سوڭعى 3 جىلدا بۇل جاردەماقىنىڭ كولەمى 38% ءوستى. 2019 جىلى وسى جاردەماقىنى تولەۋگە 42 ملرد. تەڭگە قاراستىرىلعان. اي سايىن تولەنەتىن 1 جاسقا دەيىنگى بالا كۇتىمى بويىنشا جاردەماقى, كەزەك رەتىنە وراي اي سايىن بەرىلەتىن جاردەماقى كولەمى 14 544 تەڭگەدەن 22 473 تەڭگەنى قۇرادى.
2018 جىلدىڭ قورتىندىسى بويىنشا 30 ملرد تەڭگە كولەمىندەگى بۇل جاردەماقىنى 125 مىڭ ادام الدى. سوڭعى 3 جىلدا جاردەماقىنىڭ كولەمى 19%-عا وسكەن.
2019 جىلى بۇل جاردەماقىنى تولەۋگە 34 ملرد. تەڭگە بولىنگەن.
تولەماقىنى تاعايىنداۋ ءۇشىن حالىققا قىزمەت كورسەتۋ ورتالىعىنا جۇگىنۋ قاجەت, سونداي-اق, ۇكىمەتتىڭ ەلەكتروندى پورتالى ارقىلى دا راسىمدەۋگە بولادى. ونىمەن قوسا, 2018 جىلى ەڭبەك جانە حالىقتى الەۋمەتتىك قورعاۋ مينيسترلىگىمەن بالا تۋ بويىنشا جاڭا قىزمەت ءتۇرى ەنگىزىلدى. ەندى ازاماتتار جولعا, ۇزىن-سونار كەزەككە ۋاقىتىن كەتىرمەي, قۇجاتتارىن جيناپ جۇرمەي-اق جاردەماقىنى 5 مينۋتتىڭ ىشىندە sms حابارلاما ارقىلى راسىمدەي الادى. حابارلاما انانىڭ ۇيالى تەلەفونىنا كەلىپ تۇسەدى.