ۇلتتىق بانك 2019 جىلعى 18 اقپاننان باستاپ 7 كۇندىك قايتارۋ مەرزىمى بار دەپوزيتتىك اۋكتسيونداردى وتكىزە باستايدى جانە ۇلتتىق بانكتىڭ 7 كۇندىك قىسقا مەرزىمدى نوتتارىنىڭ اۋكتسيونىن وتكىزۋدى توقتاتادى. دەپوزيتتىك اۋكتسيوندى باستاۋمەن تۇراقتى قولجەتىمدىلىك وپەراتسيالارىنىڭ شەڭبەرىندە 7 كۇندىك دەپوزيتتەردى تارتۋ دا توقتاتىلادى. بۇل تۋرالى بانكتىڭ ءباسپاسوز قىزمەتى حابارلادى.
دەپوزيتتىك اۋكتسيون وتىمدىلىكتى الۋ ءۇشىن اقشا-كرەديت ساياساتىنىڭ اشىق نارىعى وپەراتسيالارىنىڭ نەگىزگى قۇرالى بولىپ تابىلادى.
بۇل وزگەرىستەر ۇلتتىق بانكتىڭ اقشا-كرەديت ساياساتىنىڭ ترانسميسسيالىق تەتىگىنىڭ پايىزدىق ارناسىنىڭ تيىمدىلىگىن ارتتىرۋعا باعىتتالعان.
دەپوزيتتىك اۋكتسيوندار اقشا-كرەديت ساياساتىن ىسكە اسىرۋ شەڭبەرىندە ۇلتتىق بانكتىڭ اۋكتسيونداردى وتكىزۋ قاعيدالارىنا سايكەس وتكىزىلەتىن بولادى (https://nationalbank.kz/?docid=583&switch=kazakh ).