اۋىل اماناتىن ارقالاعان ەكسپەديتسيا

اتالعان يگى شارا بىلتىر دا جالعاسىن تاۋىپ ەكسپەديتسيا قۇرامى «اۋىل – رۋحاني جاڭعىرۋدىڭ قاينار كوزى» دەگەن اتپەن بارلىق وڭىردە بولدى. التاي مەن اتىراۋدىڭ ارا­­سىندا وتكەن ەكسپەديتسيا بارى­سىندا ەلىمىزدىڭ 27 جىلداعى جەتىستىكتەرى پىسىقتالىپ, ءالى دە شەشىلۋى ءتيىس ماسەلەلەر گازەت بەتىندە جارىق كوردى. وتكەن جۇ­مادا وڭىرلەرگە جاسالعان ساپار­دىڭ قورىتىندىسى رەتىن­دە ارنايى جيىن ۇيىمداس­تىرىلعان بولاتىن. وعان «نۇر وتان» پارتياسى, پارلا­مەنت دەپۋتاتتارى, اۋىل شارۋا­شىلىعى مينيسترلىگىنىڭ وكىل­دەرى, زيالى قاۋىم وكىلدەرى قا­تىس­تى. كەزدەسۋ بارىسىندا «Qazaqstan dauiri» گازەتىنىڭ باس ديرەكتورى ساۋلە مەشىتباەۆا اتالعان شارانىڭ بيىل ونىنشى رەت وتكىزىلىپ وتىرعانىن ايتتى.

̶ ەلىمىزدە 7,5 مىڭ اۋىل بار بولسا, «Qazaqstan dauiri» گازە­تىنىڭ ۇجىمى سونىڭ 5 مىڭ­­نان استامىن ارالاپ شىق­تى. ءجۋرناليستى اياعى اسىراي­دى دەمەكشى, رەسپۋبلي­كانىڭ تۇكپىر-تۇكپىرىن ارالاپ قانا قويماي, سوندا ءومىر ءسۇرىپ وتىر­­عان حالىقتىڭ مۇڭ-مۇق­تا­­جىن, تۇيتكىلدى ماسە­لە­لە­­رىن قاعازعا تۇسىرەمىز. تىل­شىلەردىڭ قولىندا بيلىك بول­ما­­عانىمەن, سوعان جەتكىزەتىن قا­رىمدى قالامىمىز بار. بار­­لىق كورگەن-بىلگەنىمىزدى, تۇيگەنىمىزدى ءتيىستى ورگاندارعا, ونىڭ باسشىلارىنا جەتكىزەمىز. ماڭداي تەرىمىزدى توگىپ, اتقا­رىپ جاتقان جۇمىستاردىڭ ناتيجەسى دە جوق ەمەس. ءبىر مى­­­سال, بۇرىن «ديپلوممەن اۋىل­­­عا!» جوباسىمەن ەلدى مەكەن­­دەرگە مۇ­عا­­لىمدەردى, دا­­رى­گەرلەردى جى­بە­رەتىن ەدى. كەيىن اۋىل شا­رۋاشىلىعى مينيسترلىگى مەن «Qazaqstan dauiri» گازەتى تى­عىز قارىم-قا­تى­ناس ورناتىپ, باسىلىمنىڭ ۇسى­نىسى بويىنشا اۋىلعا زوو­تەحنيكتەر مەن مال دارى­گەر­لەرىن دە اتالعان جوبا ارقىلى جىبەرتۋگە مۇمكىندىك تۋدى, –دەدى س. مەشىتباەۆا.

جيىندا «Qazaqstan dauiri» باسىلىمىنىڭ باس رەداكتورى ەرتاي ايعالي ۇلى بىلتىرعى ەكسپەديتسيا اياسىندا كوتەرىلگەن تاقىرىپتارعا توقتالىپ, ءار وبلىستاعى اعايىننىڭ تۇيت­كىلدى ماسەلەلەرىن باياندادى. ەكسپەديتسيانىڭ قورىتىندىسى بويىنشا تۇجىرىمداما جا­ساعان گازەت ۇجىمى جاستاردى اۋىلعا تارتۋ, جەرگىلىكتى ءوزىن-ءوزى باسقارۋ, اۋىلداعى ين­فرا­­قۇرىلىم, تابيعي, وڭىرلىك جاعدايلارعا بايلانىستى مامانداندىرۋ, جەم-ءشوپ دايىنداۋ, كووپەراتيۆ ماسەلەسى سىندى وزگە دە سالالىق, ماۋسىمدىق پروبلەمالاردى جىپكە ءتىزدى. اۋىلداعى اعايىننىڭ اماناتىن ارقالاي كەلگەن ەكسپەديتسيا مۇشەلەرى قويىلعان ساۋالداردىڭ جاۋابىن, ماسە­لەنىڭ ءمان-جايىن قۇزىرلى ورگانداردان سۇرادى. جيىنعا قاتىسقان اۋىل شارۋاشىلىعى مينيسترلىگى جانە وزگە دە ۆەدومستۆو وكىلدەرى ايتىلعان تا­­لاپ-تىلەكتەرگە جاۋاپ بەرىپ, ال­­داعى ۋاقىتتا ناقتى قانداي شارالار قابىلداۋ كەرەكتىگىن ەگجەي-تەگجەيلى باياندادى.

ەركەجان ايتقازى,

«Egemen Qazaqstan»