«بارىستىڭ» كانادالىق قورعاۋشىسى داررەن ديتس قازاقستان ازاماتتىعىن الدى, ەندى ول استانادا وتەتىن الەم چەمپيوناتىنا قاتىسا الادى. بۇل تۋرالى «SPORTINFORM» حابارلادى.
«ديتس قازاقستان ازاماتتىعىن الدى. قازىر استاناداعى الەم چەمپيوناتىندا «بارىستىڭ» بەس حوككەيشىسى وينايدى دەگەن جوسپار بار. ال «بارىستىڭ» تاعى باسقا لەگيونەرلەرىنە ازاماتتىق بەرۋ جاعى ءالى تالقىلانعان جوق», - دەدى قازاقستان حوككەي فەدەراتسياسىنىڭ جاۋاپتى حاتشىسى گلەب قاراتاەۆ.
ەسكە سالا كەتەيىك, بۇعان دەيىن شۆەد حەنريك كارلسسون, امەريكالىق برەندون بوچەنسكي, كانادالىقتار داستين بويد پەن كەۆين داللمەن قازاقستان ازاماتى اتانعان ەدى.
ءبىرىنشى ديۆيزيون كوماندالارى اراسىنداعى الەم چەمپيوناتى استانادا 25 ساۋىردەن 5 مامىرعا دەيىنگى ارالىقتا وتەدى. قازاقستان قۇراماسىنان تىس, ەليتاعا قاتىسۋ ءۇشىن بەلارۋس, ۆەنگريا, ليتۆا, سلوۆەنيا جانە وڭتۇستىك كورەيا كوماندالارى دا باق سىنايدى.