اقش-تا ايقاساتىن قوس بوكسشىمىزدىڭ قارسىلاستارى بەلگىلى

وسى جارىستاعى جەرلەستەرمىزدىڭ قارسىلاستارى بەلگىلى بولدى. ءبىرىنشى ورتا سالماقتاعى ماديار اشكەەۆ لۋيس ەرناندەسپەن قولعاپ تۇيىستىرەدى. 32 جاستاعى پۋەرتو-ريكانىڭ وكىلى وسى كۇنگە دەيىن 22 كەزدەسۋ وتكىزىپ, 16 رەت جەڭىسكە جەتتى. 9 قارسىلاسىن نوكاۋتپەن ۇتتى. ال قانداسىمىز 10 باسەكەنىڭ بارلىعىندا ۇستەمدىك تانىتتى. 6 ايقاستى مەرزىمىنەن بۇرىن اياقتادى.

مەيىرىم نۇرسۇلتانوۆ ەرنەستو امازۋمەن شەبەرلىك بايقاسادى. 25 جاستاعى گانانىڭ وكىلى دە تالاي ءدۇبىرلى دودالاردا ىسىلعان ساقا سپورتشى. ول 28 رەت رينگكە كوتەرىلىپ, 24 ايقاستى ءوز پايداسىنا شەشتى. ال قازاق بوكسشىسى 9 جەكپە-جەگىندە دە جەڭىس تويىن تويلاپ, 7 قارسىلاسىن ەسىنەن تاندىردى.    

عالىم سۇلەيمەن,

«ەگەمەن قازاقستان»