قاراشا ايىنىڭ سوڭىندا بۋەنوس-ايرەس قالاسىندا وتكەن دۇنيەجۇزىلىك لوتەرەيا سامميتىندە قازاقستاننىڭ ۇلتتىق لوتەرەيا وپەراتورى ء«ساتتى جۇلدىز» الەمدەگى ەڭ بەدەلدى WLA (ەسكەر. دۇنيەجۇزىلىك لوتەرەيا قاۋىمداستىعى) سالالىق قاۋىمداستىعىنىڭ تۇراقتى مۇشەسى لاۋازىمىنا يە بولدى. جاقىندا عانا وتاندىق لوتەرەيا وپەراتورى رەسمي راستاۋشى قۇجاتتى الدى.
دۇنيەجۇزىلىك لوتەرەيا قاۋىمداستىعىنىڭ دەرەكتەرى بويىنشا, ونىڭ قۇرامىنا الەمنىڭ 83 مەملەكەتىنەن 149 لوتەرەيا وپەراتورى كىرەدى. 2018 جىلى كاسىپوداق قاتارىنا 5 جاڭا مۇشە قابىلداندى, سونىڭ ىشىندە قازاقستان رەسپۋبليكاسىنىڭ ۇلتتىق لوتەرەيا وپەراتورى ء«ساتتى جۇلدىز» دا بار. سونىمەن قاتار 2 لوتەرەيا وپەراتورى قاۋىمداستىق قۇرامىنان شىعىپ كەتتى.
دۇنيەجۇزىلىك لوتەرەيا قاۋىمداستىعىنىڭ قۇرامىنا ەنۋ ءۇشىن نەگىزگى تالاپتار تومەندەگىدەي:
– جاۋاپتى ويىن ەرەجەلەرىنە ادالدىق;
– كىرىستىڭ بەلگىلى ءبىر بولىگى الەۋمەتتىك جاۋاپكەرشىلىككە باعىتتالۋ كەرەك;
– لوتەرەيا ويىندارىن ۇيىمداستىرۋدىڭ جوعارى دەڭگەيى, اشىقتىق پەن ويناتىلىم كەزدەيسوقتىعىنىڭ كەپىلى.
«دۇنيەجۇزىلىك لوتەرەيا ءسامميتى – بۇكىل الەمنىڭ لوتەرەيا سالاسى ءۇشىن اۋقىمدى وقيعا. سامميت 2 جىلدا 1 رەت وتكىزىلەدى, بۇل – سالادا كوپتەگەن وزگەرىستەر ورىن الاتىن ۇزاق ۋاقىت كەزەڭى. سول سەبەپتەن سامميت جاڭا تەحنولوگيالاردى, تاسىلدەردى جانە وزگەرىستەردى تالقىلاۋدىڭ تاماشا پلاتفورماسى بولىپ تابىلادى», دەپ اتاپ ءوتتى ء«ساتتى جۇلدىز» اق-نىڭ پرەزيدەنتى الەكساندر تەن.
ەسكە سالا كەتەتىن بولساق, بۇدان ەرتەرەك ۇلتتىق وپەراتوردىڭ ويناتىلىمدارىن وتكىزۋ ادالدىعىن ەۋروپالىق قاۋىمداستىق تا راستاعان.