16 جەلتوقساندا استاناداعى «داۋلەت» سپورت كەشەنىندە كاسىپقوي بوكس كەشى وتەدى. بۇل جارىستى ەلىمىزدىڭ اتاقتى بىلعارى قولعاپ شەبەرى قانات يسلام جەتەكشىلىك ەتەتىن «قازاق پروموۋشەن» كومپانياسى ۇيىمداستىرۋدا.
تاۋەلسىزدىك كۇنى مەرەكەسىنە ورايلاستىرىلىپ وتىرعان بوكس كەشىندە ايدار شارىباەۆا, اسحات ءۋاليحانوۆ, رۋسلان مىرساتاەۆ, ابىلايحان قۇسايىنوۆ جانە ەلشات نىعماتوللا ۇلى سىندى ساڭلاقتار ونەر كورسەتەدى. بۇل جىگىتتەردىڭ بارلىعىن دا جانكۇيلەر جاقسى بىلەدى. ماسەلەن, بۇل كۇندەرى اسحات اقش-تا, ابىلايحان كانادادا جۇدىرىقتاسىپ ءجۇر. ايدار مەن رۋسلان ءبىراز جىل ءوز ەلىمىزدە, ودان كەيىن شەت مەملەكەتتەردە شارشى الاڭدى شايقادى. ال قىتايدا تۋىپ-وسكەن قانداسىمىز ەلشاتتىڭ سول ەلدىڭ جانە ازيانىڭ چەمپيونى دەگەن اتاقتارى بار. وسى كۇنگە دەيىن ول 14 جەكپە-جەك وتكىزىپ, بارلىعىندا جەڭىسكە جەتكەن.
باستى ماقساتىمىز – قازاقستاندا كاسىپقوي بوكستى دامىتۋ. قازىرگى كەزدە ءار وبلىستا ورتا ەسەپپەن 10 مىڭعا جۋىق ادام بوكسپەن اينالىسادى. سولاردىڭ اراسىنان ساناۋلى عانا ورەندەرگە وليمپيا ويىندارى مەن الەم چەمپيوناتتارىندا ەل نامىسىن قورعاۋ باقىتى بۇيىرادى. ال قالعاندارى سوندا نە ىستەمەك؟ وسىنىڭ بارلىعىن وي ەلەگىنەن وتكىزە كەلە, سپورتتىڭ بۇل ءتۇرىنىڭ ەلىمىزدە كەڭىنەن قۇلاش جايۋىنا بارىنشا مول ۇلەس قوسقىمىز كەلەدى, – دەيدى قانات يسلام.
عالىم سۇلەيمەن,
«ەگەمەن قازاقستان»