مۇنايلى اۋدانى باسقۇدىق اۋىلىندا «قازترانسگازايماق» اق ماڭعىستاۋ وبلىسىنىڭ ەلدى مەكەندەردەگى 2015-2020 جىلدارعا ارالىعىن گاز تاسىمالداۋ جۇيەلەرىن جاڭعىرتۋ جانە جاڭاسىن سالۋعا باعىتتالعان ينۆەستيتسيالىق جوباسى اياسىندا جۇرگىزىلگەن گاز قۇبىرىنىڭ جۇمىسى تانىستىرىلدى.
اتالعان جوبا اياسىندا جوسپارلانعان 100 تۇرعىن ءۇيدى كوگىلدىر وتىنمەن قامتيتىن 2,6 شاقىرىم گاز قۇبىرىنىڭ 1,2 شاقىرىمىنا گاز بەرىلدى. بۇل 45 ابونەنتتى گازبەن قامتۋعا جەتكىلىكتى.
اتالعان جۇمىستار تولىعىمەن 2019 جىلى اياقتالادى دەپ كۇتىلۋدە. جالپى جوبا اياسىندا 20 شاقىرىم گاز قۇبىرى سالىنىپ, 690 ابونەنت قوسىلادى. نەگىزىندە بۇل جوبا 1328,63 شاقىرىم ماڭعىستاۋ, تۇپقاراعان, قاراقيا, بەينەۋ اۋداندارى مەن جاڭاوزەن قالاسىندا گازداندىرۋ, جاڭارتۋ-جاڭعىرتۋ جۇمىستارىن قامتيدى.
جوبانى جۇزەگە اسىرۋشى «قازترانسگازايماق» اق ماڭعىستاۋ وندىرىستىك فيليالىنىڭ يگىلىگىندە 6 اۋداندىق گاز شارۋاشىلىعى, ۇزىندىعى 3875,2 شاقىرىم گاز قۇبىرى, 3356,4 شاقىرىم گاز تاراتۋشى جۇيەسى جانە 518,8 كم «جاڭاوزەن-اقتاۋ» ماگيسترالدىق جۇيەسى بار.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى