پرەزيدەنتتىك وليمپيادادان ولجالى ورالدى

اتالعان جارىستا استانا قالاسىنىڭ رايىمبەك باتىر اتىنداعى №50 «قازعارىش» مەكتەپ-ليتسەيىنەن قاتىسقان 11 «ا» سىنىپ وقۋشىسى نۇرشات جۇماحان وزا شاۋىپ, جۇلدەلى 2-ورىن جانە كۇمىس مەدال يەگە­­رى اتاندى.

ءبىلىم جانە عىلىم مي­نيس­ت­ر­­­لىگىنىڭ مالىمەتىنشە, وليم­پيادانىڭ العاشقى اي­ماقتىق كەزەڭىنە 2461 وقۋشى قاتىسقان. قاتىسۋشىلارعا بە­رىلگەن تاپسىرمالار جيىن­تى­عى جوعارى حالىق­ارالىق ستاندارت­تار­عا سايكەس دايارلانعان. ءبى­رىنشى كەزەڭنىڭ قورىتىندىسى بويىنشا ەلىمىزدىڭ بارلىق ايماعىنىڭ 407 مەكتەپ ءبى­تىرۋ­شىسى on-line رەجىمىندە وتكىزىلگەن وليم­پيا­­دانىڭ قاشىقتىق كە­زەڭ­ىنە قاتىسىپ, ولاردىڭ 161-ءى جا­رىستىڭ قورىتىندى كەزەڭىنە جولداما العان. 

«بۇل وليمپيادا نەگىزىنەن 3 كەزەڭنەن تۇرادى. العاشقى ەكەۋىنەن ءوتىپ, جۇزدەن جۇيرىك, مىڭنان مىقتى شىققاندار رەسپۋبليكالىق جارىسقا جولداما الادى. وسى جولعى سايىس وزىمە قيىن بولدى. سەبەبى بۇل وليمپيادا بولسا دا ۇبت سياقتى تەكسەرۋ جاعى دا, باقىلاۋشىلار دا قاتال. سىناقتى نەگىزگى 4 ءپان بويىنشا تاپسىردىق. ونىڭ ىشىندە فيزيكا, ماتەماتيكا, حيميا, بيولوگيا بار. ايتا كەتەتىن تاعى ءبىر جايت, بۇل وليمپيادا تەك مەكتەپ ءبىتىرۋشى تۇلەكتەرگە ارنالعان. مەن ءوزىم فيزيكا-­ماتەم­اتيكا ءپانىن تاڭداپ, بولا­شاقتا وسى سالادا مۇعالىم بولسام دەگەن ويىم بار. ماعان ۇنا­عان تاعى ءبىر نارسە, اتالعان وليمپيادانىڭ تەمىرتاۋ قالا­سىن­دا ءوتۋى. سەبەبى ەلباسى نۇرسۇلتان نازارباەۆ ەڭبەك جو­لىن وسى شاھاردان باستاعان. بۇل بولاشاق ومىرىمىزگە ۇلكەن سەنىم مەن سەرپىن بەردى. وسى بە­­لەستى ۇستازدارىمنىڭ بەرگەن ءبىلىمىنىڭ, جاقىندارىمنىڭ ارت­قان ءۇمىتىنىڭ, مەكتەبىمنىڭ ما­عان دەگەن سەنىمىنىڭ ارقاسىندا باعىندىردىم», دەيدى رايىمبەك با­تىر اتىنداعى №50 «قاز­عارىش» مەكتەپ-ليتسەيى­نىڭ 11-­­سىنىپ وقۋشى­سى نۇرشات جۇماحان.­

قازىلار القاسىنىڭ شەشىمى بويى­ن­شا التىن مەدالدار جانە ءى دارەجەلى ديپلومدارمەن 8 قاتىسۋشى, ءىى دارەجەلى ديپلوم­دار جانە كۇمىس مەدالدارمەن 12 قاتىسۋشى, ءىىى دارەجەلى ديپلومدار جانە كۇمىس مەدالدارمەن 18 قاتىسۋشى ماراپاتتالعان.

راۋان قايدار,

«ەگەمەن قازاقستان»