امەريكاندىق «Baumgartner Agriculture Science and Service» (BASS) كومپانياسى جانە قازاقستاندىق «Kusto Group» قازاقستاندا الدىڭعى تەحنولوگيالاردى قولدانا وتىرىپ جەم-شوپتىك داقىلداردىڭ تۇقىمىن ءوندىرۋ بويىنشا بىرلەسكەن كاسىپورىن قۇرادى. بۇگىن «KAZSEED» كاسىپورىنىن قۇرۋ بويىنشا Kusto Group ديرەكتورلار كەڭەسىنىڭ توراعاسى ەركىن تاتيشەۆ جانە BASS يەسى جانە باس ديرەكتورى ەدۆارد دجوسەف باۋمگارتنەر مەموراندۋمعا قول قويدى, دەپ حابارلايدى اشم ءباسپاسوز قىزمەتى.
باستاپقى جىلى ينۆەستيتسيا كولەمى 25 ملن. اقش دوللارىن قۇرايدى جانە ودان ءارى ءوسۋى بولادى.
بىرلەسكەن كاسىپورىنىن ماقساتى قازاقستان فەرمەرلەرىن ساپالى, مەملەكەتتىڭ اۋا-رايىنا بەيىمدەلگەن تۇقىمدارمەن قامتاماسىز ەتۋ بولىپ تابىلادى. ۇزاق مەرزىمدى پەرسپەكتيۆاسى – تمد ەلدەرىنىڭ نارىعىنا شىعۋ.
قازاقستان رەسپۋبليكاسى پرەمەر-ءمينيسترىنىڭ ورىنباسارى – اۋىل شارۋاشىلىعى ءمينيسترى ومىرزاق شوكەەۆ اتاپ ايتقانداي وسىنداي الدىڭعى قاتارلى كاسىپورىنداردى قۇرۋ, مەملەكەت باسشىسى قويعان اۋىل شارۋاشىلىق ەڭبەك ونىمدىلىگىن جانە قايتا وڭدەلگەن ونىمدەردىڭ ەكسپورتىن 2,5 ەسەگە ارتتىرۋ بويىنشا ماقساتتارعا قول جەتكىزۋدە ۇلكەن ءرول وينايدى. جوعارى ساپالى تۇقىمداردى ءوندىرۋ داقىلداردىڭ ونىمدىلىگىنە تىكەلەي اسەر ەتەدى جانە مەملەكەتتىڭ جەم-ءشوپ ءوندىرىسىنىڭ وسۋىنە نەگىز بولادى. سونىمەن قاتار قازاقستاندىق فەرمەرلەرمەن ساپالى تۇقىمداردى پايدالانۋ, ءوزىنىڭ جوعارى ونىمدىلىگى بولىگىندە فەرمەرلەردىڭ وزىندىك قۇن شىعىندارىن ەداۋىر ازايتىپ, وسىمدىك شارۋاشىلىعى تيىمدىلىگىن ارتتىرادى.
2017-2021 جىلدارعا ارنالعان اوك دامۋىنىڭ مەملەكەتتىك باعدارلاماسىن جۇزەگە اسىرۋ اياسىندا مينيسترلىكپەن قازاقستان رەسپۋبليكاسىندا تۇقىم شارۋاشىلىعىنىڭ دامۋى بويىنشا جۇمىستار جۇرگىزىلىپ جاتقانىن اتاپ ايتۋ قاجەت. تۇقىم شارۋاشىلىعىن سۋبسيديالاۋ ءتارتىبى قاراستىرىلدى, ەگەر بۇرىن فەرمەر ساپالى تۇقىمدى ساتىپ الۋعا قاراجات ىزدەۋ نەمەسە سوڭىندا وتىرعىزۋ ماتەريالى بولىپ تاۋارلىق ءداندى پايدالانۋ قاجەت بولسا, كەلەسى جىلدان باستاپ فەرمەرلەر كوكتەمدە نورما بويىنشا نەگىزگى داقىلداردىڭ تۇقىمدارىن تەگىن الا الادى, ال ونىڭ ورنىنا كۇزدە ەگىن جينالعاننان كەيىن تۇقىم شارۋاشىلىعىن دامۋىنىڭ ارنايى قورىنا الىنعان تۇقىم قۇنىنىڭ 30%-ىن اۋدارۋ قاجەت. بۇل فەرمەرگە ونىڭ الاڭنىڭ بولىگىن ساپالى تۇقىمدارمەن ەگۋگە, ال رەپرودۋكتسيالاۋ جولىمەن ءۇش جىلدان كەيىن تەك جوعارى رەپرودۋكتسيالى تۇقىمدارمەن ەگۋگە مۇمكىندىك بەرەدى. ءوز كەزەگىندە تۇقىم شارۋاشىلىعىن دامۋى قورىندا شوعىرلاندىرىلعان قاراجات تۇقىم ءوسىرۋ شارۋاشىلىقتارىنا وندىرىلەتىن تۇقىمداردىڭ ساپاسىن ارتتىرۋ ءۇشىن قاجەتتى قۇرال-جابدىقتاردى جانە تەحنيكانى ساتىپ الۋ بويىنشا قارجىلاندىرۋعا باعىتتالادى.
Kusto Group ديرەكتورلار كەڭەسىنىڭ توراعاسى ەركىن تاتيشەۆ تۇقىم شارۋاشىلىعى سالاسىنداعى وسىنداي مامانداندىرىلعان كومپانيانىڭ پايدا بولۋى مەملەكەتتىڭ وسىمدىك شارۋاشىلىعىن دامۋى ءۇشىن وتە ماڭىزدى قادام بولىپ تابىلاتىنىن اتاپ ءوتتى. وزىق تەحنولوگيالار مەن وسى سالاداعى امەريكاندىق سەرىكتەستەردىڭ قۇزىرەتتىلىگى ۇردىستەردى تۇقىم وندىرۋگە عانا ەمەس, سونىمەن قاتار سەلەكتسيالىق جۇمىستارعا دا جۇمساۋعا مۇمكىندىك بەرەدى.
امەريكاندىق ينۆەستورلار وكىلدەرى قازاقستاندا اۋىل شارۋاشىلىعى سالاسىنىڭ دامۋىنىڭ وڭ قارقىنىڭ, سونىمەن قاتار G2B فورماتىنداعى اوك-ءنىڭ بارلىق سالاسىن قولداۋ ءۇشىن مەملەكەت قابىلدايتىن شارالاردى اتاپ ءوتتى.