قازاقستان مەن رەسەي اراسىنداعى حY فورۋم پەتروپاۆل قالاسىندا باستالدى. ەكى كۇنگە سوزىلاتىن القالى باسقوسۋعا نۇرسۇلتان نازارباەۆ پەن رەسەي فەدەراتسياسىنىڭ پرەزيدەنتى ۆلاديمير پۋتين قاتىسادى دەپ كۇتىلۋدە.
قوس ەل اراسىنداعى ستراتەگيالىق ارىپتەستىك بايلانىستاردى نىعايتۋ جونىندەگى العاشقى فورۋم 2003 جىلى ومبى قالاسىندا ءوتىپ, سودان بەرى مۇنداي ىسكەرلىك كەزدەسۋلەر شەكارالاس ايماقتاردا جۇيەلى تۇردە جالعاسىپ كەلەدى. بۇل جولى كۇن تارتىبىنە «قازاقستان مەن رەسەيدەگى ءتۋريزمدى دامىتۋدىڭ جاڭا تاسىلدەرى مەن ۇردىستەرى» اتتى وزەكتى تاقىرىپ شىعارىلدى.
ءبىرىنشى كۇنى امبەباپ تەننيس ورتالىعىندا قازاقستان–رەسەي تۋريستىك كورمەسى ۇيىمداستىرىلىپ, سالتاناتتى شارانىڭ اشىلۋىنا مادەنيەت جانە سپورت ءمينيسترى ارىستانبەك مۇحامەدي ۇلى, رەسەيدىڭ تۋريزم جونىندەگى فەدەرالدىق اگەنتتىگىنىڭ باسشىسى ولەگ سافونوۆ, وبلىس اكىمى قۇمار اقساقالوۆ, ۇلتتىق كومپانيالاردىڭ جەتەكشىلەرى, ىسكەر توپتار, مينيسترلىكتەر مەن ۆەدوموستۆولاردىڭ جاۋاپتى وكىلدەرى, كاسىپكەرلەر, تۋروپەراتورلار قاتىستى.
مينيستر ء وز سوزىندە قازاقستان مەن رەسەي اراسىندا ءوزارا سەنىمگە, دوستىققا نەگىزدەلگەن ىقپالداستىق ستراتەگياسىنىڭ نىعايا تۇسكەنىن, ونىڭ ىشىندە تۋريزم كەڭ اۋقىمدىلىعىمەن سيپاتتالاتىنىن, بۇگىندە ەلدىڭ باسەكەلەستىك قابىلەتتىلىگىن ايقىندايتىن شەشۋشى فاكتورعا اينالعانىناتاپ ءوتتى.
ق.سافونوۆ ەكى ەل اراسىندا دوستىققا, تۇسىنىستىككە قۇرىلعان قارىم-قاتىناستىڭ ستراتەگيالىق ماڭىزىنا توقتالدى.
ق.اقساقالوۆ فورۋمعا قاتىسۋشىلاردى ايتۋلى وقيعامەن قۇتتىقتاپ, سولتۇستىكقازاقستاندىقتارعا زور سەنىم ارتىلعان ۇلكەن مارتەبە ەكەنىن تىلگە تيەك ەتتى.
فورۋمعا قاتىسۋشىلار كورمەنى ارالاپ, وندا قويىلعان ەكسپوناتتارمەن تانىستى. تۋريستىك كومپانيالار ءوز ونىمدەرى مەن قىزمەت تۇرلەرىن, ينۆەست جوبالارىن ۇسىندى.
باق وكىلدەرىمەن وتكەن بريفينگتە «Kazakh Tourism ۇك» باسقارما توراعاسىنىڭ ورىنباسارى تيمۋر دۇيسەنعاليەۆ, رەسەيدىڭ تۋريزم جونىندەگى فەدەرالدىق اگەنتتىگىنىڭ باسشىسى ولەگ سافونوۆ, وبلىس اكىمىنىڭ ورىنباسارى داۋرەن جانداربەك ءتۋريزمنىڭ سۇرانىسقا يە زاماناۋي تۇرلەرىنە سەرپىن بەرۋ, اۋقىمدى پوتەنتسيالدىق مۇمكىنشىلىكتەردى ۇتقىرلىقپەن پايدالانۋ, تۋريستىك ونىمدەردى وتكىزۋ, جارنامالاۋ,تالاپقا ساي بەزەندىرۋ ماسەلەلەرى جايلى باياندادى.
فورۋم شەڭبەرىندە ء«تۋريزمدى دامىتۋداعى كاسىپكەرلىكتىڭ بەلسەندى ءرولى», «تۋريزم سالاسىن تسيفرلاندىرۋداعى قازىرگى ترەندتەر», تاعى باسقا تاقىرىپتار بويىنشا پانەلدىك سەسسيالار ۇيىمداستىرىلىپ, وي-پىكىرلەر الماسىلدى.
فورۋمنىڭ ەكىنشى كۇنى ەكى مەملەكەت پرەزيدەنتتەرىنىڭ قاتىسۋىمەن پلەنارلىق وتىرىس وتەدى. بىرقاتار ماڭىزدى ماسەلەلەر تالقىلانىپ, ىنتىماقتاستىقتى ودان ءارى نىعايتۋعا باعىتتالعان قۇجاتتار قابىلدانادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى