ۇكىمەت ۇيىندە پرەمەر-مينيستر باقىتجان ساعىنتاەۆ رەسەيدىڭ «روساتوم» اتوم ەنەرگياسى جونىندەگى مەملەكەتتىك كورپوراتسياسىنىڭ باس ديرەكتورى الەكسەي ليحاچەۆپەن كەزدەسۋ وتكىزدى, دەپ حابارلادى ۇكىمەتتىڭ ءباسپاسوز قىزمەتى.
كەزدەسۋ بارىسىندا كورپوراتسيامەن ىنتىماقتاستىقتى ودان ءارى جالعاستىرۋ جانە اتوم ەنەرگياسىن بەيبىت ماقساتتا پايدالانۋ, ۋران ءوندىرۋ جانە بايىتۋ, جەل ەنەرگەتيكاسى, اتوم سالاسىنىڭ تەحنيكالىق بازاسىن جاڭارتۋ جانە ءتۇرلى يننوۆاتسيالىق ونىمدەردى ءوندىرۋ سالاسىنداعى بىرلەسكەن جوبالاردى ىسكە اسىرۋ ماسەلەلەرى تالقىلاندى. «قازاتومونەركاسىپ» ۇاك مەن «روساتوم» مك اراسىندا اتوم ەنەرگياسىن بەيبىت ماقساتتا پايدالانۋ سالاسىنداعى رەسەي–قازاقستان ىنتىماقتاستىعىنىڭ كەشەندى باعدارلاماسى اياسىندا ءوزارا ءىس-قيمىل جۇزەگە اسىرىلىپ جاتىر. بۇدان وزگە, «روساتوممەن» ىنتىماقتاستىق ء«ۇلبى مەتاللۋرگيا زاۋىتى» اق جۇمىسى جانە قازاقستان اۋماعىندا اتوم ەلەكتر ستانساسىنىڭ نىساندارى بويىنشا بىرلەسكەن شارالاردى اتقارۋ اياسىندا ىسكە اسىرىلۋدا. «روساتوم» مەملەكەتتىك كورپوراتسياسى 2007 جىلعى جەلتوقساندا قۇرىلعان, رەسەي فەدەراتسياسىنىڭ جەتەكشى كوپبەيىندى ونەركاسىپتىك حولدينگىلەرىنىڭ قاتارىنا كىرەدى. «روساتوم» ستراتەگياسى جەل ەنەرگەتيكاسىن قوسا العاندا, تازا ەنەرگيا شىعارۋ جوبالارىن دامىتۋدى كوزدەيدى.