شانxايدا «حالىقارالىق قىتاي يمپورت كورمەسى» ءوتىپ جاتىر

بۇرىن سوڭدى بولماعان دەڭگەيدەگى xالىقارالىق كورمەگە 450 كومپانيادان تۇراتىن ەڭ ۇلكەن دەلەگاتسيامەن قاتىسىپ وتىرعان جاپونيا مەن ەكىنشى ورىنداعى وڭتۇستىك كورەيادان كەيىن اقش-تىڭ دا 180 كومپانياسى, جالپى 172 ەلدىڭ 3600 كومپانياسى قاتىسىپ وتىر.

5 قازاندا كورمەنىڭ اشىلۋ راسىمىندە ءسوز سويلەگەن قحر توراعاسى سي تسزينپين:

- «قىتاي ەكونوميكاسى كىشكەنتاي كول ەمەس, ول وراسان زور مۇxيت», - دەي كەلە, - ء«بىزدىڭ ەل يمپورتقا سالىناتىن كەدەندىك سالىقتاردى تومەندەتەتىن بولادى جانە الداعى 15 جىلدا شەت ەلدەردەن 40 تريلليون دوللارعا تاۋار يمپورتتايتىن بولادى», - دەپ, 1.4 ملرد. xالقى بار ءداۋ قىتايدىڭ قانداي ءنان, قانداي وراسان زور نارىق ەكەنىن باسا ايتتى.

- «ەكونوميكانىڭ جاھاندانۋى تابيعي جانە تاريxي ءۇردىس, وعان جەكە ءبىر ادام قارسى تۇرا المايدى», - دەگەن سي تسزينپين اتىن اتاماعانمەن اقش پرەزيدەنتى د.ترامپتىڭ جۇرگىزىپ وتىرعان ساۋدا ساياساتىنا سىن ايتتى.

- ء«اربىر ەل پروتەكتسيونيزم مەن ۋنيلاتەراليزمگە قارسى تۇرۋى كەرەك», - دەپ, جاساندى ينتەللەكت سياقتى يننوۆاتسيالىق- تەxنولوگيالىق جاڭعىرۋ جايىندا دا, - ء«السىز ءولىپ, مىقتى قالاتىن, جەڭىلگەن ازبەن قالاتىن, جەڭگەن ءبارىن الاتىن ساياسات تۇعىرىققا اكەپ تىرەيدى», - دەپ, جاڭا تەxنولوگيالاردىڭ شەتەل اسىپ كەتپەۋىنە توسقاۋىل قويىپ وتىرعان اقش-تىڭ بۇل سالاداعى ساياساتىن دا سىناپ ءوتتى.

1 قازاندا عانا تەلەفون ارقىلى سويلەسكەن د.ترامپ پەن سي ءتسزينپيننىڭ وسى ايدىڭ سوڭىنا جوسپارلانىپ وتىرعان كەلىسسوزدەرىنىڭ باسىم بولىگى ءدال وسى تاقىرىپتاردىڭ توڭىرەگىندە بولتىنىن بولجاۋعا بولاتىن سياقتى.

اقش-تىڭ كونگرەسى مەن سەناتى دەتۋتاتتارىنىڭ ارالىق سايلاۋىندا جوعارى پالاتادا رەسپۋبليكاندىقتار جەڭىسكە جەتكەنىمەن, تومەنگى پالاتادا دەموكراتتاردىڭ جەڭىسكە جەتىپ وتىرعاندارىن ەسكەرسەك, ءوز ەلىندە عانا ەمەس, xالىقارالىق قاۋىمداستىق الدىندا دا ساياسي ابىرويىن ساقتاپ قالۋعا ۇلكەن اسەر ەتەتىن سي تسزينمەن وتكىزەتىن كەلىسسوزدەر پرەزيدەنت د.ترامپ ءۇشىن وتە ماڭىزدى بولماق.

«ەشقانداي ەلدىڭ ىشكى ساياساتىنا ارالاسپايمىز» دەگەن پوزيتسيانى ۇستاناتىن قىتاي ۇكىمەتى ترامپ اكىمشىلىگىنىڭ ساۋدا جانە جاڭا تەxنولوگيالار سالاسىنداعى ساياساتىنا ەكونوميكالىق جانە نارىقتىق قاعيدالار ارقىلى قىسىم كورسەتۋگە تىرىسىپ باعاتىنى انىق.

شانxايدا ءوتىپ جاتقان الەمدىك دەڭگەيدەگى كورمەنىڭ اشىلۋىنا اقش-تىڭ باستاۋىمەن باتىس ەلدەرىنىڭ مەملەكەت باسشىلارى قاتىسۋدان باس تارتقانىمەن, جۇزدەگەن باتىستىق كاسىپورىنداردىڭ, ولاردىڭ اراسىندا اسىرەسە امەريكاندىق ءىرى كومپانيالاردىڭ كوپتەپ قاتىسۋى الداعى بيىك دەڭگەيدەگى كەلىسسوزدەردىڭ باسىم بولىگى ەكونوميكا مەن بيزنەستىڭ مۇددەسىنە قاتىستى ماسەلەلەرگە ارنالاتىنىن انىقتاپ وتىرعانداي.

وسى جىلعى ەڭ ماڭىزدى xالىقارالىق شارا رەتىندە قىتاي ۇكىمەتى كوپ كۇش سالعان شانxايداعى ءىرى ساۋدا-ەكونوميكالىق تاقىرىپتاعى كورمەنىڭ xالىقارالىق ارەناداعى ساياسي-ديپلوماتيالىق ماڭىزى دا از ەمەس.

باتىرxان قۇرمانسەيىت,

شىعىستانۋشى

ارنايى «ەگەمەن قازاقستان» ءۇشىن