قازاقستان وزبەكتەرى ەتنومادەني بىرلەستىكتەرى «دۋستليك» قاۋىمداستىعى شىمكەنتتەگى قالالىق قحا عيماراتىندا ەلباسى ن.نازارباەۆتىڭ جولداۋىن ناسيحاتتاۋ بويىنشا جينالىس وتكىزدى.
باسقوسۋدى جۇرگىزىپ وتىرعان قاۋىمداستىق توراعاسى يكرام حاشيمجانوۆ جولداۋدان ەلباسىنىڭ بۇگىنگى كۇننىڭ تامىرىن ءدوپ باساتىن كورەگەندىگىن, الىس بولاشاقتى بولجاي بىلەتىن تەرەڭدىگىن, مەملەكەتتىڭ جاڭا تاريحىن جاساۋشى سۇڭعىلا ساياساتكەرلىك تۇلعاسىنىڭ ەرەكشەلىگىن بايقاۋعا بولاتىنىن اتاپ ءوتتى. «بۇگىنگى كۇنى وركەنيەتتىڭ بيىك شىڭىنا شىعىپ, الەم نازارىنا ىلىگىپ وتىرمىز. بۇل جەردە مەملەكەت باسشىسى نۇرسۇلتان نازارباەۆتىڭ قازاقستان حالقىنا جىل سايىنعى جولداۋىنىڭ ماڭىزى مەن اتقارعان ءرولى ەرەكشە. ەلباسى وتانداستارىمىزعا العاشقى جولداۋىن 1997 جىلى جاريالاپتى. ەستەرىڭىزدە بولسا سول جولداۋىندا ن.نازارباەۆ: «2030 جىلى ءبىزدىڭ ۇرپاقتارىمىز بۇدان بىلاي الەمدىك وقيعالاردىڭ قالتارىسىندا قالىپ قويمايتىن ەلدە ءومىر سۇرەتىن بولادى» دەگەندى اسا نىق سەنىممەن ايتقان بولاتىن. ايتقانى ايداي كەلدى», دەدى ي.حاشيمجانوۆ.
اتالمىش جيىندا بايانداما جاساعان «ورلەۋ» اق فيليالى تۇركىستان وبلىستىق جانە شىمكەنت قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ اعا وقىتۋشىسى ماحفۋزا مۋساەۆا جولداۋدىڭ ماڭىزى مەن وزەكتىلىگىنە توقتالدى. بايانداماشى ءوز سوزىندە, جولداۋدا ايتىلعانداي, ءاربىر قازاقستاندىق جۇرگىزىلىپ جاتقان رەفورمالاردىڭ ءمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە تۇسىنۋگە ءتيىس ەكەنىنە ەكپىن بەردى. كوپشىلىكتى ورتاق ماقساتتا, ايقىندالعان مىندەتتەردى جۇزەگە اسىرۋعا بەلسەنە جۇمىس ىستەۋگە شاقىردى. سونداي-اق تولە بي اۋدانى وزبەك ەتنومادەني بىرلەستىگىنىڭ توراعاسى ۋستونالي قوديروۆ, وقمپۋ شەتەل ستۋدەنتتەرىن بەيىمدەۋ ورتالىعىنىڭ ديرەكتورى شاحلو ناراليەۆا جارىسسوزگە شىعىپ, ءوز پىكىرلەرىن ورتاعا سالدى. جيىن قورىتىندىسى بويىنشا بىرلەستىكتەردە ءتۇسىندىرۋ جۇمىستارىن بەلسەندى جۇرگىزۋ سىندى ناقتى جۇمىستار بەلگىلەنگەن قاۋلى قابىلداندى.
عالىمجان ەلشىباي,
«ەگەمەن قازاقستان»
تۇركىستان وبلىسى