الەمدىك فوتوونەر سالاسى بويىنشا جىل سايىن ءداستۇرلى تۇردە وتكىزىلەتىن حالىقارالىق بەدەلدى «All About Photo» بايقاۋىندا مىنا ءبىر سۋرەت 2018 جىلدىڭ ەڭ ۇزدىك تۋىندىسى دەپ تانىلىپتى. بۇل تۋرالى مالىمەت اتالعان ۇيىمنىڭ ۆەب-سايتىندا جاريالاندى.
ورايى كەلگەندە ايتا كەتەيىك «All About Photo» قورى – پايداسى مول جانە وتە كەڭ فوتو مالىمەتتەر بازاسى جيناقتالعان قۇرىلىم. رەسۋرستىڭ باستى ماقساتى – الەم فوتوگرافتارىنىڭ جۇمىسىن جۇيەلەپ وتىرۋ. العاش رەت 2013 جىلدىڭ اقپان ايىندا اقش-تىڭ كاليفورنيا شتاتى, سان-فرانتسيسكو قالاسىندا ىسكە قوسىلعان ەكەن. ازعانا ۋاقىت ىشىندە فوتوقور جاساۋدان الەمگە تانىلعان. بۇل جەردەن كەز كەلگەن تاقىرىپ بويىنشا قاجەت فوتوسۋرەتتى تاۋىپ الۋعا بولادى. مۇندا ارنايى ونلاين-جۋرنال شىعادى, سونىمەن قاتار ۆەب-سايتى جانە فوتولابوراتورياسى, ستۋدياسى, وقۋ شەبەرحاناسى, مۋزەي, گالەرەيا, كورمە زالى بار.
ال مىنا ۇزدىك فوتونىڭ اۆتورى – ۇلىبريتانيالىق فوتوگراف تاريك زايدي. سۋرەت جۋىقتا باي-ولكە ايماعىنىڭ ساقساي سۇمىن جەرى «بىتەۋ» دەيتىن كۇزەۋلىكتە تۇسىرىلگەن ەكەن. اتقا ءمىنىپ, الدىنا نەمەرەسىن مىنگەستىرىپ, بالداعىنا قۇس قوندىرعان اقساقالدىڭ اتى – بايتەن بابي ۇلى. باكەڭ تۋرالى «ەگەمەن قازاقستان» گازەتىنىڭ 23 تامىز كۇنگى №159 سانىندا «ەتنوگرافيالىق اڭگىمە» ايدارىمەن «قىران ۇستاۋ قازاقتىڭ ەن-تاڭباسى» اتتى كولەمدى سۇحبات جاريالانعان-تىن. وسى سۇحباتتا جاسى 85-تەن اسقان اقساقال قولىنا قۇس قوندىرىپ, بۇركىتشىلىكپەن اينالىسقانىنا 60 جىل بولعانىن ايتىپ, مىنا ءبىر قاناتىمەن جەلكەسىن كومكەرىپ تۇرعان بۇركىتىن 33-ءشى قۇسىم دەگەن ەدى... ەندى مىنە قازاقتىڭ ەتنوتۇرمىسىن بۇزباي ساقتاپ وتىرعان قاريانىڭ ءىسى شەتەلدىكتەر تاراپىنان ۇزدىك دەگەن اتقا يە بولىپ وتىر.
بەكەن قايرات ۇلى,
«ەگەمەن قازاقستان»