وسكەمەندە رۋحاني كەلىسىم كۇنى اياسىندا بىرقاتار ءىس-شارالار وتكىزىلدى. اتاۋلى كۇنگە وراي دەنە شىنىقتىرۋ-ساۋىقتىرۋ كەشەنىندە ءدىني بىرلەستىكتەر اراسىندا سپورتتىق ويىندار ۇيىمداستىرىلىپ, جەڭىمپاز كوماندالارعا كۋبوكتار مەن سىيلىقتار تابىستالدى. وبلىستىق ءدىن ىستەرى باسقارماسىنىڭ مۇرىندىق بولۋىمەن دوستىق ءۇيى-قوعامدىق كەلىسىم ورتالىعىندا وبلىستىق ءدىني بىرلەستىكتەر باسشىلارىمەن «رۋحاني كەلىسىم – تاۋەلسىز قازاقستاننىڭ باستى جەتىستىگى» تاقىرىبىندا دوڭگەلەك ۇستەل وتكىزىلدى.
سالتاناتتى جيىننىڭ باستالۋى الدىندا دوڭگەلەك ۇستەلگە قاتىسۋشىلار وبلىستىق تاريحي-ولكەتانۋ مۋزەيى, ا.پۋشكين اتىنداعى وبلىستىق كىتاپحانا, «مۇحامادي» مەشىتىنىڭ كىتاپتار مەن فوتوسۋرەت كورمەسىمەن تانىستى. كورمەدە ءارتۇرلى كونفەسسيالاردىڭ دىندەرىنىڭ دامۋىن كۋالاندىراتىن ءدىني جادىگەرلەر, سيرەك كەزدەسەتىن قاسيەتتى كىتاپتار, جازبالار, بىرەگەي قۇجاتتار, فوتوسۋرەتتەر ۇسىنىلدى.
«رۋحاني كەلىسىم كۇنى - قازاقستانداعى الەۋمەتتىك ماڭىزى بار كۇندەردىڭ ءبىرى. كونفەسسيالار مەن ەتنوستار اراسىندا كەلىسىمدى ساقتاۋ - مەملەكەتتىك ورگاندار, ءدىني بىرلەستىكتەر مەن قوعامدىق ۇيىمداردىڭ بىرلەسىپ ىستەگەن ۇلكەن جۇمىسىنىڭ جەمىسى», - دەدى ءدىن ىستەرى باسقارماسى باسشىسىنىڭ مىندەتىن اتقارۋشى ت.جىگىتاەۆ.
دوڭگەلەك ۇستەل بارىسىندا ءدىني بىرلەستىكتەر باسشىلارى شىعىسقازاقستاندىقتاردى رۋحاني كەلىسىم كۇنىمەن قۇتتىقتاپ, قوعامداعى بەيبىتشىلىك پەن كەلىسىمدى, تۇراقتىلىقتى ساقتاۋدا ءتيىمدى جۇمىستار جاساۋعا تىلەك ءبىلدىردى.
ءىس-شاراعا ء«دىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعى» رمك-ءنىڭ, قازاقستان مۇسىلماندارى ءدىني باسقارماسىنىڭ وكىلدەرى مەن قاسكەلەى ەپيسكوپى, استانا ەپارحياسىنىڭ ۆيكاريى, جەرگىلىكتى اتقارۋشى ورگانداردىڭ, جەرگىلىكتى ءدىني بىرلەستىكتەردىڭ, ەتنو-مادەني ورتالىقتاردىڭ, قوعامدىق ۇيىمداردىڭ باسشىلارى قاتىستى.
ءىس-شارانىڭ سوڭىندا بىرقاتار ءدىني بىرلەستىكتەردىڭ باسشىلارى ۇلتارالىق جانە كونفەسسياارالىق كەلىسىمدى نىعايتۋعا قوسقان ۇلەستەرى ءۇشىن شىعىس قازاقستان وبلىسىنىڭ گراموتاسىمەن ماراپاتتالدى.
ازامات قاسىم,
«ەگەمەن قازاقستان»
وسكەمەن