بۇگىن استانادا قازاقستان رەسپۋبليكاسى دزيۋدو فەدەراتسياسىنىڭ كەزەكتەن تىس كونفەرەنتسياسى ءوتتى. كونفەرەنتسيا بارىسىندا قازاقستان دزيۋدو فەدەراتسياسىنىڭ پرەزيدەنتى بولىپ قوجامجاروۆ قايرات پەرنەش ۇلى سايلاندى.
كونفەرەنتسيادا رەسپۋبليكالىق جانە وبلىستىق فەدەراتسيالاردىڭ وكىلدەرىمەن وزەكتى ماسەلەلەر, سونىڭ ىشىندە دزيۋدونىڭ ايماقتارداعى جاعدايى, ەلىمىزدەگى دزيۋدونىڭ دامۋ جونىندە ماسەلەلەر تالقىلاندى.
كونفەرەنتسياعا قر مادەنيەت جانە سپورت ءمينيسترى ارىستانبەك مۇحامەدي ۇلى, قر ۇلتتىق وليمپيادا كوميتەتىنىڭ باس حاتشىسى دانيار ابۋلعازين, سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراتسياسىنىڭ باس ديرەكتورى رامازانوۆ ەلدوس مۇرات ۇلى, قر دزيۋدو فەدەراتسياسىنىڭ دامۋ جونىندەگى ديرەكتورى اسحات جيتكەەۆ, 2016 جىلعى ريو وليمپياداسىنىڭ كۇمىس جۇلدەگەرى, الەم چەمپيونى ەلدوس سمەتوۆ, دزيۋدودان الەم چەمپيونى ماكسيم راكوۆ, الەم چەمپيوناتىنىڭ كۇمىس جۇلدەگەرى ازامات مۇقانوۆ, دزيۋدودان قر ۇلتتىق قۇراما كومانداسىنىڭ باس باپكەرى ايدىن سماعۇلوۆ, جاسوسپىرىمدەر وليمپياداسىنىڭ جەڭىمپازى بەكارىس سادۋاقاس, جاسوسپىرىمدەر وليمپياداسىنىڭ كۇمىس جۇلدەگەرى مارگاريتا گريتسەنكو قاتىستى.
جيىن سوڭىندا جاسوسپىرىمدەر وليمپياداسىنىڭ چەمپيونى بەكارىس سادۋاقاس پەن جاسوسپىرىمدەر وليمپياداسىنىڭ كۇمىس جۇلدەگەرى مارگاريتا گريتسەنكو دزيۋدو فەدەرتسياسىنىڭ پرەزيدەنتىنە قۇرمەت رەتىندە كيمونو سىيلادى.
سۆەتلانا عالىمجانقىزى,
«ەگەمەن قازاقستان»