2019 جىلدىڭ 1 قاڭتارىنان باستاپ ابونەنتتىك قۇرىلعىلاردى مىندەتتى تىركەۋ ەرەجەسى كۇشىنە ەنەدى. بۇل تۋرالى قر ىشكى ىستەر مينيسترلىگىنىڭ رەسمي وكىلى الماس سادۋباەۆ ايتتى.
«2019 جىلدىڭ 1 قاڭتارىنان باستاپ IMEI-كود + SIM-كارتا + تۇلعا جسن-ءنى سىزباسى بويىنشا ابونەنتتىك قۇرىلعىلاردى مىندەتتى تىركەۋ ەرەجەسى كۇشىنە ەنەدى. تىركەلمەگەن ابونەنتتەرگە بايلانىس قىزمەتى كورسەتىلمەيدى. وسىعان بايلانىستى ازاماتتار اعىمداعى جىلدىڭ سوڭىنا دەيىن وزدەرىنىڭ بايلانىس قۇرىلعىلارىن تىركەۋلەرى قاجەت»,- دەدى الماس سادۋباەۆ.
وسى رەتتە ءىىم رەسمي وكىلى ۇيالى بايلانىس وپەراتورلارىنىڭ فيليالدارىندا ۇلكەن كەزەك بولىپ, قوعامدا دۇربەلەڭ تۋماۋى ءۇشىن ازاماتتارعا قۇرىلعىلارىن دەر ۋاقىتىندا تىركەۋگە كەڭەس بەرەدى. «بۇل ەڭ الدىمەن ازاماتتاردىڭ مۇددەسىن قورعاۋ ءۇشىن جاسالىپ وتىر. ەگەر ءبىر ادامنىڭ تەلەفونى تىركەگەننەن كەيىن ۇرلاناتىن بولسا, وندا بازا ارقىلى ونى كىم پايدالاناتىندىعىن انىقتاۋعا بولادى.
بۇعان قوسا, بايلانىس وپەراتورلارى دا بازادا قۇرىلعىنىڭ IMEI-كودى ۇرلانعان رەتىندە كورسەتىلىپ تۇرسا بايلانىسقا توسقاۋىل قويۋ مۇمكىندىگىن الادى», - دەدى ول.