بۇل تۋرالى دەنساۋلىق ساقتاۋ ۆيتسە-ءمينيسترى و. ا. ابىشەۆ ءباسپاسوز ءماسليحاتىندا ايتتى.
بريفينگ بارىسىندا ۆيتسە-مينيستر 2019 جىلدان باستاپ قازاقستان مەديتسينالىق قىزمەت كورسەتۋ بويىنشا تولىقتاي ەلەكتروندى نۇسقاعا كوشەتىنىن ايتتى.
ءباسپاسوز ءماسليحاتىندا اتالعان سالانى تسيفرلاندىرۋ, اقپاراتتىق جۇيەلەردى, ءموبيلدى دەنساۋلىق ساقتاۋ ەلەمەنتتەرىن ەنگىزۋ, ەمدەۋ جوسپارلارىن دياگنوستيكالاۋ جانە باسقارۋ, جاساندى ينتەللەكت قۇرۋ جانە ەنگىزۋ, اقپاراتتىق جانە ينتەروپەرابەلدىلىك ءۇشىن پلاتفورمانى جەتكىزۋ سياقتى ساندىق ماسەلەلەر تالقىلانادى.
ۆيتسە-مينيستر سونىمەن بىرگە, مەديتسينالىق اقپاراتتىق جۇيەلەردى «قالا, اۋدان ورتالىعى» دەڭگەيىندە قامتۋ 96,7 قۇراعانىن اتاپ ءوتتى. ال وسى جىلدىڭ سوڭىنا دەيىن بۇل كورسەتكىشتى 100 پايىزعا جەتكىزۋ جوسپارلانعان.
سونىمەن قاتار و. ابىشەۆ 2017 جىلى 14 قىركۇيەكتە قر دسم مەن IBM كومپانياسى اراسىندا Watson for oncology - جاساندى ينتەللەكتتى ەنگىزۋ بويىنشا ىنتىماقتاستىق تۋرالى مەموراندۋمعا قول قويىلعاندىعىن ەسكەرتتى. ونىڭ سوزىنە قاراعاندا, ونكولوگيا جانە راديولوگيا عزي بازاسىنداعى پيلوتتىق تەستىلەۋ كەزىندە ونكولوگ دارىگەرلەردىڭ قاتىسۋىمەن 13 نوزولوگيا ءتۇرى بويىنشا 57 ەم جۇرگىزىلگەن.
دارىگەرلەر جۇرگىزگەن ساۋالناما قورىتىندىسى بويىنشا قاتىسۋشىلاردىڭ 90 پايىزى پيلوتتىق تەستىلەۋدىڭ تيىمدىلىگىن كورسەتكەن.
سونىمەن قاتار, ۆيتسە-مينيستر ەلەكتروندىق دەنساۋلىق پاسپورتىنىڭ تيىمدىلىگى تۋرالى ايتتى. ناۋقاس تۋرالى بارلىق اقپاراتتى ءبىر رەپوزيتوريىندە ساقتايتىن ەلەكتروندىق دەنساۋلىق پاسپورتى ەلدەگى مەديتسينالىق ۇيىمداردا ناۋقاستى قاراۋ جانە ەمدەۋ ناتيجەلەرى تۋرالى مالىمەتتەردى قامتيدى. ەلەكتروندىق دەنساۋلىق پاسپورتىندا ءار ادامنىڭ ءدارى-دارمەكتەرگە اللەرگيالىق رەاكتسياسى, قاراپايىم ديەتالىق جاعدايعا دەيىنگى بارلىق مالىمەتتەر ساقتالادى. سونىمەن قاتار, پاسپورت ارقىلى ۇرپاق قۋالايتىن, ياعني حرونولوگيالىق اۋرۋلاردى, دۇرىس تاماقتانۋ جۇيەسىن, دەنساۋلىق ساقتاۋدىڭ بارلىق قاعيداسىن بىلۋگە بولادى.