ەلوردانىڭ بيلىك وكىلدەرى كوشەلەردىڭ سۋ الىپ كەتۋ جاعدايىنا بايلانىستى حالىقتان كەشىرىم سۇرادى.
«قازگيدرومەت» رمك مالىمەتىنە سايكەس, 20 تامىز بەن 21 تامىز ارالىعىندا استانانىڭ وڭ جاعالاۋىندا 36 ميلليمەتر, ال سول جاعالاۋىندا 45 ميليمەترلىك جاۋىن-شاشىن جاۋعان. بۇل ايلىق نورمادان 40 پايىزعا ارتىق. ونىڭ ۇستىنە نوسەرلى كارىز جۇيەسى ۇزدىكسىز جۇمىس اتقارىپ, ءبىر تاۋلىك ىشىندە ءبىر ميلليون كۋب (نەمەسە ساعاتىنا 45 مىڭ كۋب) سۋ قابىلداندى. قالانىڭ نەگىزگى ماگيسترالدى كوشەلەرىندە سۋ باسۋ جاعدايى تىركەلگەن جوق. ايتا كەتەرلىگى, 20 تامىز كۇنى ساعات تاڭەرتەڭگى 8-دەن باستاپ, سونداي-اق 21 تامىزدا ساعات تاڭعى 5-تەن باستاپ تولاسسىز جاعان جاۋىن توقتامادى. 20 تامىزدا جاۋىن تەك كەشكى 18:00-دە عانا سايابىرلادى», دەيدى استانا قالاسى اكىمىنىڭ ورىنباسارى قوسمان ايتمۇحامبەتوۆ.
ونىڭ ايتۋىنشا, وسىنىڭ سالدارىنان جاۋىننىڭ سۋىن قابىلداۋشى تەحنيكالار ۇلگەرمەي, ناجىمەدەنوۆ, تاۋەلسىزدىك, مومىش ۇلى كوشەلەرىن سۋ الىپ كەتكەن. تەك تاڭعى ساعات بەس شاماسىندا اتالمىش كوشەلەردەن سۋدى سورىپ, تازارتۋ مۇمكىن بولعان.
«مامانداندىرىلعان كاسىپورىندار مەن كوممۋنالدىق كاسىپورىندار وسى ۋاقىت ارالىعىندا تاۋلىك بويى دامىلسىز جۇمىس ىستەدى. وكق الاڭىن پايدالانىپ, قالا حالقىنا العىس ايتا وتىرىپ, كەشىرىم سۇراعىمىز كەلەدى. سۋ الىپ كەتۋ جاعدايلارىنا جول بەرىلدى. ەكى ساعاتتىڭ ىشىندە ماسەلە رەتكە كەلگەنىمەن, ءبارىبىر جاعدايدىڭ ورىن العانىن جاسىرا المايمىز», دەدى قوسمان ايتمۇحامبەتوۆ.