يرلانديا رەسپۋبليكاسى مەن سولتۇستىك يرلانديا اراسىنداعى شەكارا ماسەلەسى ءالى كۇنگە شەشىمىن تاپپاي كەلەدى. ولار ەۋرووداق بەلفاستتىڭ كەدەندىك وداقتاعى مۇشەلىگىن ساقتاپ, بىرىڭعاي ەۋروپالىق نارىققا ەنۋدى رەتتەۋگە مۇددەلى. دەسە دە, لوندون بىرىككەن كورولدىك ىشىنەن شەكارا قۇرۋعا قارسى.
ەسكە سالايىق, ۇلىبريتانيا كەلەسى جىلدىڭ 29 ناۋرىزىندا ەۋرووداقتان شىعۋى كەرەك. سوعان بايلانىستى تاراپتار قازاننىڭ سوڭىنا دەيىن ناقتى كەلىسىمگە كەلۋى ءتيىس.
«قازىر كەلىسسوزدەر سوڭىنا كەلىپ قالدى. ءبىز وسى ساتتەن باستاپ ەۋرووداق پەن ۇلىبريتانيانىڭ كەلىسسوزدى ۇزبەي جۇرگىزەدى دەپ كەلىستىك. ۇنەمى كەزدەسىپ تۇراتىن بولامىز. جۇمىسىمىزدى قورىتىندىلاپ, ءارى قاراي قادام باسۋىمىز كەرەك», دەدى ميشەل بارنە.
ءوز كەزەگىندە ۇلىبريتانيانىڭ ەۋرووداقتان شىعۋ جونىندەگى ءمينيسترى دومينيك رااب اراداعى شەكارا ماسەلەسىنە قاتىستى قوس تاراپ كەلىسىمگە كەلەتىنىن ايتتى.
«تالقىلايتىن ماسەلەلەر بار. ولار جونىندە اشىق اڭگىمەلەستىك. ءبىز ءوز كوزقاراسىمىزدى بىلدىردىك. مەن ميشەل بارنەنىڭ كەلىسسوزگە كەلۋ ماسەلەسىنە اسا مۇقيات ەكەنىن بىلەمىن. قوس تاراپ تا وسىنداي كۇش-جىگەر تانىتا السا, قازان ايىندا كەلىسىمگە كەلەتىنىمىزگە سەنەمىن», دەدى دومينيك رااب.