بيىلعى التى ايدا قر يندۋستريالدى-يننوۆاتسيالىق دامىتۋدىڭ 2015–2019 جىلدارعا ارنالعان مەملەكەتتىك باعدارلاماسىن ىسكە اسىرۋ قورىتىندىلارى بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قارالدى, دەپ حابارلايدى قر پرەمەر-ءمينيستردىڭ ءباسپاسوز قىزمەتى.
ينۆەستيتسيالار جانە دامۋ ءمينيسترى جەڭىس قاسىمبەك باعدارلامانىڭ ىسكە اسىرىلۋى وڭدەۋ سەكتورىنىڭ تۇراقتىلىعى مەن ءوسىمىنىڭ ديناميكاسىنا وڭ اسەرىن تيگىزەتىنىن ايتتى.
ماسەلەن, وڭدەۋ ونەركاسىبىنىڭ ۇلەسى ءجىى-دە 2015 جىلعا 11,6%-دان 2018 جىلى 12,9%-عا دەيىن, ونەركاسىپتە — 2015 ج. 39,5%-دان 2018 ج. 40,9%-عا دەيىن, ەكسپورت — 2015 ج. 24,4%-دان 2018 ج. 28,7%-عا دەيىن, تىكەلەي شەتەلدىك ينۆەستيتسيالاردىڭ اعىنى 2015 ج. 15,5%-دان 2018 ج. 17,6%-عا دەيىن ءوستى.
بۇدان وزگە, ج. قاسىمبەكتىڭ ايتۋىنشا, يندۋستريالاندىرۋ دايىن ءونىم شىعارۋعا باعىتتالعان وڭدەۋ ونەركاسىبى سالالارىنداعى (حيميا ونەركاسىبى, ماشينا جاساۋ, جيھاز, قۇرىلىس ماتەريالدارىنىڭ ءوندىرىسى جانە ت.ب.) كاسىپورىنداردىڭ سانىن ارتتىرۋعا مۇمكىندىك بەرەدى.
«2018 جىلدىڭ ءى جارتى جىلدىعىن 2010 جىلمەن سالىستىرعاندا وڭدەۋ سالالارىندا جۇمىس ىستەيتىن قوسىمشا 3,5 مىڭ كاسىپورىن پايدا بولدى. نەگىزىنەن ءوسىم ماشينا جاساۋ, ازىق-ت ۇلىك ونەركاسىبى, قۇرىلىس ماتەريالدارى كاسىپورىندارى سانىنىڭ ءوسۋى ەسەبىنەن قامتاماسىز ەتىلدى. ولاردىڭ جالپى سومالىق ۇلەسى وڭدەۋ ونەركاسىبى كاسىپورىندارىنىڭ جيىنتىق وسىمىندە 50%-دان استى», دەدى مينيستر ج. قاسىمبەك.
بيىلعى التى ايدىڭ قورىتىندىلارىن وتكەن جىلعى سايكەس كەزەڭمەن سالىستىرعاندا وڭدەۋ سەكتورىنداعى ءوندىرىس 5,2%-عا ارتىپ وتىر. وڭ ديناميكاعا ىقپال ەتەتىن نەگىزگى درايۆەرلەر: ماشينا جاساۋ, حيميا ونەركاسىبى, ازىق-ت ۇلىك ونىمدەرى ءوندىرىسى, مۇناي وڭدەۋ, مەتاللۋرگيا, قۇرىلىس ماتەريالدارىنىڭ ءوندىرىسى.
ينۆەستيتسيالار جانە دامۋ ءمينيسترىنىڭ ايتۋىنشا, بيىلعى ەسەپتى كەزەڭدە بارلىق ماقساتتى ينديكاتورلار بويىنشا وڭ قارقىن بايقالادى. مەملەكەتتىك باعدارلاما اياسىندا كاسىپورىندارعا جۇيەلى قولداۋ شارالارىن كورسەتۋدىڭ ناتيجەسىندە جاڭا وندىرىستەردى ىسكە قوسۋ, جۇمىس ىستەپ تۇرعان كاسىپورىنداردى جاڭعىرتۋ جانە كەڭەيتۋ شارالارى جالعاسۋدا. بيىلعى التى ايدا يندۋستريالاندىرۋ كارتاسى اياسىندا 187 ملرد تەڭگەگە جۋىق سوماعا 18 جوبا ىسكە قوسىلدى, 1,8 مىڭنان استام تۇراقتى جۇمىس ورىندارى اشىلدى. ەكىنشى جارتى جىلدىقتا جالپى سوماسى 1,1 ترلن تەڭگە بولاتىن 100-گە جۋىق جوبانى ىسكە اسىرۋ جوسپارلانىپ وتىر. وندا 12,2 مىڭنان استام جۇمىس ورنى اشىلادى.
قورىتىندىلاي كەلە, ج. قاسىمبەك قازىرگى تاڭدا مەملەكەت باسشىسىنىڭ تاپسىرماسى بويىنشا مينيسترلىك جاڭا جاھاندىق تەحنولوگيالىق ۇدەرىستەردى ەسكەرە وتىرىپ, 2020–2024 جىلدارعا ارنالعان يندۋستريالدى-يننوۆاتسيالىق دامۋ تۇجىرىمداماسىن ازىرلەگەنىن اتاپ ءوتتى.
يندۋستريالاندىرۋدىڭ ءۇشىنشى بەسجىلدىعى بويىنشا نەگىزگى قاعيدالار مەن تاسىلدەر ەكسپورتتى دامىتۋ مەن ىلگەرىلەتۋگە ەكپىن جاساي وتىرىپ, وڭدەۋ ونەركاسىبىنىڭ باسەكەگە قابىلەتتىلىگىن ودان ءارى ارتتىرۋعا باعىتتالادى. تەحنولوگيالار ترانسفەرتىنە جانە وڭدەۋ ونەركاسىبىن تسيفرلاندىرۋعا ايرىقشا نازار اۋدارىلاتىن بولادى.
ءوز كەزەگىندە ۇلتتىق ەكونوميكا ءمينيسترى تيمۋر سۇلەيمەنوۆ وڭىرلەردىڭ كاسىپكەرلىگىن قولداۋ كارتاسىنىڭ جوبالارىنىڭ ىسكە اسىرىلۋىنا مونيتورينگ تۇراقتى نەگىزدە جۇرگىزىلىپ جاتقانىن اتاپ ءوتتى. ت. سۇلەيمەنوۆ ءى جارتى جىلدىقتىڭ قورىتىندىسى بويىنشا كاسىپكەرلىككە قولداۋ كورسەتۋ كارتاسىنىڭ بارلىعى 18 جوباسى ىسكە اسىرىلسا, وندا كارتانىڭ 60-70% جوبالارى ءىى جارتى جىلدىقتا پايدالانۋعا بەرىلەتىنىن ايتتى. بۇل جسق-عا مەملەكەتتىك ساراپتامانى الۋمەن, ماتەريالدار مەن جابدىقتاردى جەتكىزۋمەن, ينجەنەرلىك ينفراقۇرىلىمدى جۇرگىزۋمەن, سونداي-اق قۇرىلىس-مونتاجداۋ جۇمىستارىنىڭ اياقتالۋىمەن بايلانىستى.
ءى جارتى جىلدىقتىڭ جوبالارى نەگىزىنەن قۇرىلىس سەكتورىندا, جەڭىل جانە حيميا ونەركاسىبىندە جۇزەگە اسىرىلدى. 1,8 مىڭنان استام جۇمىس ورنى اشىلدى. كارتا جوبالارىنىڭ ەكونوميكاعا سالىمى 30 ملرد تەڭگەنى قۇرادى. كارتا جوبالارىنىڭ مۋلتيپليكاتيۆتىك اسەرى 14 ملرد تەڭگەنى قۇرادى.
ەنەرگەتيكا ءمينيسترى قانات بوزىمباەۆ ءوز بايانداماسىندا قر يندۋستريالدى-يننوۆاتسيالىق دامىتۋدىڭ 2015–2019 جىلدارعا ارنالعان مەملەكەتتىك باعدارلاماسى اياسىندا التى جوبا ىسكە اسىرىلىپ جاتقانىن اتاپ ءوتتى. ولاردىڭ ىشىندە «كوندەنسات» اق «ك5 موتورلىق وتىنىن ءوندىرۋ», پاۆلودار مۇناي وڭدەۋ زاۋىتىن جاڭعىرتۋ, اتىراۋ مۇناي وڭدەۋ زاۋىتىن رەكونسترۋكتسيالاۋ جانە جاڭعىرتۋ, شىمكەنت مۇناي وڭدەۋ زاۋىتىن رەكونسترۋكتسيالاۋ جانە جاڭعىرتۋ, پوليپروپيلەن ءوندىرۋ زاۋىتىنىڭ قۇرىلىسى.
مەملەكەتتىك باعدارلامانىڭ وڭىرلەردە ىسكە اسىرىلۋ بارىسى تۋرالى بەينەكونفەرەنتسيا بايلانىسى ارقىلى باتىس قازاقستان وبلىسىنىڭ اكىمى ا. كولگىنوۆ, جامبىل وبلىسىنىڭ اكىمى ا. مىرزاحمەتوۆ, استانا اكىمى ءا. يسەكەشەۆ, الماتى اكىمى ب. بايبەك باياندادى.
ماسەلەنى قاراۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ ەلباسى ءوزىنىڭ جولداۋىندا يندۋستريالاندىرۋ جاڭا تەحنولوگيالاردى ەنگىزۋدىڭ فلاگمانىنا اينالۋعا ءتيىس ەكەنىن اتاپ وتكەنىن ەسكە سالدى.
بيىل جەتى ۇلگىلىك تسيفرلىق فابريكا قۇرۋ جوباسىن ىسكە اسىرۋ جوسپارلانعان. وسىعان وراي پرەمەر-ءمينيستردىڭ ورىنباسارى اسقار جۇماعاليەۆكە, ينۆەستيتسيالار جانە دامۋ, اقپارات جانە كوممۋنيكاتسيالار مينيسترلىكتەرىنە اتالعان باعىتتا بىرلەسىپ جۇمىستار اتقارۋ قاجەت.
«كاسىپورىنداردى جاڭعىرتۋ ەسەبىنەن جاڭا جوعارى تەحنولوگيالى ءونىم شىعارۋعا, تۇبەگەيلى جاڭا سالالار قۇرۋعا جانە سول ارقىلى ەكسپورتتى ارتتىرۋعا مۇمكىندىك تۋاتىنىن ءتۇسىنۋ كەرەك», دەپ ب. ساعىنتاەۆ جۇيە قۇرايتىن جاڭا ءىرى كاسىپورىنداردى قۇرۋ مەن جاڭا يندۋستريالاندىرۋ تالابىنا ساي كەلەتىن كادرلاردى دايارلاۋ قاجەتتىگىن اتاپ ءوتتى.
باقىلاۋ جۇمىستارى قر پرەمەر-ءمينيسترىنىڭ ءبىرىنشى ورىنباسارى اسقار مامينگە جۇكتەلدى.