سپورتشى-شاڭعىروللەرشىلەر بولگاريادا «سيۆەن» كۋبوگىن جەڭىپ الدى, دەپ حابارلايدى قر ۇلتتىق شاڭعى جارىسى فەدەراتسياسىنىڭ ءباسپاسوز قىزمەتى.
بولگاريادا شاڭعىروللەردەن وتكەن حالىقارالىق جارىستا ولجاس كليمين, اننا شەۆچەنكو, ۆالەريا تيۋلەنەۆا جانە گۇلسينا قادىروۆا «سيۆەن» كۋبوگىن جەڭىپ الدى. جىل سايىن وتەتىن حالىقارالىق دوداعا قازاقستاندىق سپورتشىلاردان بولەك رەسەي مەن بولگاريانىڭ وكىلدەرى دە قاتىستى.
«اعىمداعى جىلعى «سيۆەن» كۋبوگىنىڭ قورىتىندىسى بويىنشا كوماندانىڭ جاقسى فيزيكالىق فورمادا ەكەندىگىن, ماۋسىمنىڭ وسى كەزەڭىندە العا قويىلعان مىندەتتەرگە ساي كەلەتىندىگىن ايتا الامىن. وسى جىلى جارىسقا ءۇش ەلدەن 120-دان استام سپورتشى قاتىستى. 9 رەت جەڭىسكە جەتتىك, ونىڭ تورتەۋى ءبىرىنشى ورىن. بۇل جاقتى ناتيجە», دەيدى كوماندانىڭ اعا سپورتتىق مەنەدجەرى الەكساندر باتيايكين.