جوبا مەملەكەت باسشىسىنىڭ بەس الەۋمەتتىك باستاماسى اياسىندا ىسكە اسىرىلۋدا, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
قازىرگى ۋاقىتتا اتىراۋ جانە قۇلسارى قالالارىنان باسقا وڭىردە 130 ەلدى مەكەن گازداندىرىلعان. بۇل رەتتە قالعان 34 شاعىن ەلدى مەكەندەردى گازداندىرۋ ماسەلەسى قاراستىرىلۋدا.
2017 جىلى قۇرمانعازى اۋدانىنىڭ ازعىر اۋىلدىق وكرۋگىنە قاراستى 10 ەلدى مەكەندى گازبەن جابدىقتاۋ جۇمىستارى باستالعان بولاتىن. اتالعان اۋدانداعى كەنتتەر مەن اۋىلداردى گازداندىرۋ جەر قويناۋىن پايدالانۋشىلاردىڭ الەۋمەتتىك اۋدارىمدارى ەسەبىنەن جۇرگىزىلەدى. جوبانىڭ جالپى قۇنى – 10 ملرد تەڭگە. جوبا اياسىندا الىس ورنالاسقان ەلدى مەكەندەرگە ۇزىندىعى 365 شاقىرىم ماگيسترالدىق گاز قۇبىرىن توسەۋ جوسپارلانۋدا. بۇگىنگى كۇنى 274 شاقىرىم گاز قۇبىرى جەلىسى جۇرگىزىلدى.
مۇنان باسقا ماحامبەت, يساتاي جانە قىزىلقوعا اۋداندارىنىڭ ەلدى مەكەندەرىن گازداندىرۋ جۇمىستارى جۇرگىزىلۋدە. وسى جۇمىستار اياقتالعاننان كەيىن ءوڭىردىڭ ەلدى مەكەندەرىنىڭ 93,3%-ى كوگىلدىر وتىنمەن قامتاماسىز ەتىلەتىن بولادى.
وبلىستىق ەنەرگەتيكا جانە تكش باسقارماسى باسشىسىنىڭ ورىنباسارى اسان نۇرعاليەۆتىڭ ايتۋىنشا, بۇگىنگى كۇنى وبلىستا اۋىلداردى گازداندىرۋ بويىنشا ءۇش جوبا ىسكە اسىرىلۋدا. اعىمداعى جىلدىڭ سوڭىنا دەيىن ماحامبەت اۋدانىنداعى اتامباي, بالاوراز جانە كوزدىقارا اۋىلدارىن گازداندىرۋ جۇمىستارى اياقتالۋى ءتيىس.
2019 جىلى قىزىلقوعا اۋدانىنىڭ التى اۋىلىن گازداندىرۋ جوسپارلانۋدا. قازىرگى تاڭدا جوبانىڭ جسق دايىندالۋدا. بارلىق جوسپارلانعان جۇمىستار اياقتالعاننان كەيىن اتىراۋ وبلىسىندا 153 اۋىل تابيعي گازبەن جابدىقتالاتىن بولادى.