چەرنوگوريادا سۋعا باتقان ايەلدەردى قۇتقارعىسى كەلگەن 41 جاستاعى قازاقستان ازاماتى تاڭات سماعۇلوۆ كوز جۇمدى, دەپ حابارلايدى قر ءسىم ءباسپاسوز قىزمەتى.
«ول چەرنوگورياعا دوستارىمەن دەمالۋ ءۇشىن بارعان. سول كەشتە تەڭىزدە ۇلكەن تولقىندار بولدى. ءبىزدىڭ وتانداسىمىز سۋعا اعىپ كەتكەن ەكى ايەلدى كورىپ, كومەككە ۇمتىلعان. ەكى ايەل دە جاعاعا شىقتى, بىراق قازاقستاندىقتىڭ ءوزى سۋدان شىعا المادى», - دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.
قايعىلى وقيعا ورنىنا قازاقستان كونسۋلى بارىپ, مارقۇمنىڭ جاقىندارىمەن بايلانىس ورناتىلدى.
«بۇگىن بارلىق قاجەتتى قۇجاتتار راسىمدەلدى, مارقۇمنىڭ ءمايىتى ەرتەڭ تاڭعى ۋاقىتتا پەتروپاۆل قالاسىنا جىبەرىلەدى», دەپ مالىمدەدى قر ءسىم.