ساتباەۆ قالاسى اكىمىنىڭ ورىنباسارى پارا العان بولۋى مۇمكىن.
قاراعاندى وبلىسى ساتباەۆ قالاسى اكىمىنىڭ ورىنباسارىنىڭ پارا العانى اشكەرە بولدى. ول جاقىن اۋدانداردىڭ تۇرعىندارىن كوشىرۋ ءۇشىن تۇرعىزىلۋى ءتيىس بولعان ەكى جاتاقحانانىڭ قۇرىلىس جۇمىستارى بويىنشا قۇجاتتارعا قول قويۋ ءۇشىن جەكە ۇيىمنىڭ وكىلىنەن 100 مىڭ تەڭگە پارا الدى دەگەن كۇدىك بار, دەپ حابارلايدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى.
اكىمنىڭ ورىنباسارى كىناسىن تولىق مويىنداعاندىقتان قاماۋعا الىنباعان.
سونىمەن قاتار, ۆەدومستۆو مالىمەتىنشە, تسەلينوگراد اۋدانىنىڭ بۇرىنعى اكىمىنە قاتىستى نەمقۇرايلىلىق فاكتىسى بويىنشا تەرگەۋ امالدارى باستالعان. ول ءوزىنىڭ لاۋازىمدى قىزمەتىن پايدالانا وتىرىپ, جاۋاپكەرشىلىگى شەكتەۋلى سەرىكتەستىككە اۋدان اۋماعىنا تيەسىلى 50 گەكتار جەر تەلىمىن جەكەمەنشىككە بەرۋ تۋرالى زاڭسىز قاۋلىعا قويعان. سونىڭ سالدارىنان مەملەكەتتىك زاڭدى مۇددەلى ايتارلىقتاي بۇزىلعان.
مۇنان بولەك, پاۆلودار وبلىسىندا اقسۋ قالاسىنا قاراستى قالقامان اۋىلدىق وكرۋگىنىڭ اكىمى وزىنە باعىنىشتى باس مامانمەن الدىن الا ىمىرالاسىپ, جشس وكىلىنەن اكىمدىكتىڭ اكىمشىلىك عيماراتىندا تولەم تەرمينالىن جالداۋ جانە ورناتۋ كەلىسىمشارتىن جاساسقانى ءۇشىن 50 مىڭ تەڭگە كولەمىندە پارا الدى دەگەن كۇدىككە ىلىككەن.
الماتى وبلىسىنا قاراستى بايسەركە اۋىلدىق وكرۋگى اكىمىنىڭ بۇرىنعى ورىنباسارى دا ءوزىنىڭ قىزمەتتىڭ وكىلەتتىگىن اسىرا بايدالان وتىرىپ, وبلىس تۇرعىندارىنىڭ بىرىنە جەر تەلىمىن جەكە شارۋا قوجالىعىن جۇرگىزۋ ءۇشىن بەرگەن. ال ءوڭىردىڭ باس جوسپارىنا سايكەس, اتالعان جەر تەلىمى اۆتوموبيل تۇراعىنا ارنالعان. وسىلايشا ول مەملەكەتكە 496 مىڭ تەڭگە شىعىن كەلتىرگەن.
جوعارىدا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە.