ۇلتتىق سپورت تۇرلەرىنەن رەسپۋبليكالىق « ۇلى دالا رۋحى» فەستيۆالىنىڭ سولتۇستىك ايماقتىق ىرىكتەۋ جارىستارى بويىنشا بۇگىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ سپورت كەشەنىندە قازاق كۇرەسى, اسىق اتۋ بويىنشا جارىستار وتۋدە.
ىرىكتەۋ سايىسى بويىنشا بۇگىن 19.00-دە «قازانات» اتشابارىندا كوكپار ۇيىمداستىرىلسا, ەرتەڭ 10.00-دە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ سپورت كەشەنىندە توعىزقۇمالاق, ساعات 18.00-دە «قازانات» اتشابارىندا كوكپاردان فينال وتەدى.
ۇلتتىق سپورت تۇرلەرىنەن استانا قالاسىنىڭ 20 جىلدىعى اياسىندا « ۇلى دالا رۋحى» رەسپۋبليكالىق فەستيۆالى وتۋدە.
ەلىمىزدىڭ بارلىق ءوڭىرىن قامتىپ جاتقان فەستيۆالدىڭ يدەيا اۆتورى – قر مادەنيەت جانە سپورت ءمينيسترى ارىستانبەك مۇحامەدي ۇلى. ۇلتتىق سپورتتىڭ كوكپار, بايگە, تەڭگە ءىلۋ, اۋدارىسپاق, جامبى اتۋ, قازاق كۇرەسى, توعىزقۇمالاق, اسىق اتۋ تۇرىنەن وتەتىن جارىستار كوماندالىق تارتىپتە جۇرگىزىلەدى.
ەكى ايدان استام ۋاقىتقا سوزىلاتىن بۇل فەستيۆال II كەزەڭگە بولىنگەن. I كەزەڭ ايماقتىق ىرىكتەۋ جارىستارى. العاشقى كەزەڭ باسەكەسى ءتورت ايماقتا وتەدى. سونداي-اق, كوكپار, قازاق كۇرەسى, توعىزقۇمالاق, اسىق اتۋ سپورت تۇرلەرىنىڭ ىرىكتەۋ باسەكەلەرىن ايماقتىق وڭىرلەردە, ال اۋدارىسپاق, جامبى اتۋ, تەڭگە ءىلۋ سپورت تۇرلەرىنىڭ ىرىكتەۋ باسەكەلەرى استانا قالاسىندا وتەدى. ايماقتارداعى ىرىكتەۋ جارىستارى 31 تامىزدا مارەگە جەتەدى. ەلىمىزدەگى 14 وبلىس, 3 قالا كوماندالارى اراسىنان ۇزدىك شىققان كوماندالار فەستيۆالدىڭ II كەزەڭى فينالدا ونەر كورسەتەدى.
العاشقى ءۇش ايماق ىرىكتەۋ جارىستارى ءوز مارەسىنە جەتتى. ايماق بويىنشا ىرىكتەۋ جارىستارىنىڭ جەڭىمپاز كوماندالارى انىقتالدى. فەستيۆالدىڭ ىرىكتەۋ جارىستارىن سولتۇستىك ايماق قورىتىندىلايدى سولتۇستىك ايماق ىرىكتەۋ جارىستارىن استانا قالاسى قابىلدايدى. 17-19 تامىز ارالىعىندا, كوكپار «قازانات» اتشابارىندا وتكىزىلەدى. 29-31 تامىز ارالىعى «قازانات» اتشابارىندا تەڭگە ءىلۋ, اسىق اتۋ, جامبى اتۋدان بايراقتى باسەكەلەر وتەدى. سولتۇستىك ايماق ىرىكتەۋ جارىستارىنا: اقمولا, سقو, قوستاناي وبلىستارى مەن استانا قالاسىنان 160 سپورتشى قاتىسادى دەپ كۇتىلۋدە.