كىتاپ – جان ازىعى. اسكەري قىزمەتشىلەردىڭ كوركەم ادەبيەتكە قۇمارلىعى دا جاقسى نىشان. «باتىس» وڭىرلىك قولباسشىلىعىنداعى بارلىق اسكەري بولىمدەر كىتاپ قورىمەن قامتىلعان. كىتاپحانادا, اقپاراتتىق-تاربيە جۇمىسى كابينەتىندە, دەمالىس بولمەلەرىندە كىتاپ وقىپ قانا قويماي, ءوزارا پىكىر الماسۋعا قاجەت جاعدايدىڭ ءبارى بار.
اسكەري قىزمەتشىلەر, اسىرەسە قازاقستان تاريحىن, باتىرلاردىڭ ەرلىكتەرى جايلى شىعارمالاردى, جالپى كوركەم ادەبيەتتى وقۋعا ىنتالى. «باتىس» وڭىرلىك اسكەري قولباسشىلىعى مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى شىققان العاشقى كۇننەن باستاپ وسى باعىتتاعى جۇمىستارعا ەرەكشە ءمان بەرىپ كەلەدى.
25744 اسكەري ءبولىمى كومانديرىنىڭ ورىنباسارى ەلدوس بوزعۇلوۆ: «قىزمەتتىڭ العاشقى كەزەڭىندە ساربازدارعا ناعىز وتان قورعاۋشى رەتىندە قالىپتاسۋلارىنا باعىت بەرەتىن كىتاپتاردى ۇسىنامىز. مىسالى, نۇرسۇلتان نازارباەۆتىڭ «قازاقستان جولى», ءىلياس ەسەنبەرليننىڭ «كوشپەندىلەر», ساعادات نۇرماعامبەتوۆتىڭ كىتاپتارىن ساربازدار قولدان-قولعا تيگىزبەي وقيدى. نەگىزىنەن قازاق تىلىندەگى ادەبيەتكە دەگەن سۇرانىس جوعارى, سوندىقتان كىتاپحانا قورىن ۇنەمى تولىقتىرىپ وتىرامىز», – دەيدى.
باقىتگۇل باباش, «ەگەمەن قازاقستان»
اتىراۋ