14 شىلدە كۇنى بۋراباي اسپانىنىڭ استىندا قازاق وپەرا ونەرىنىڭ ءىنجۋ-مارجانى – م.تولەباەۆتىڭ ء«بىرجان – سارا» قويىلىمى كورەرمەن نازارىنا ۇسىنىلماق. جاۋھار تۋىندىنىڭ جاڭا مۋزىكالىق-ساحنالىق رەداكتسياداعى تۇساۋكەسەرى وسى جىلدىڭ كوكتەمىندە «استانا وپەرا» ساحناسىندا ورىن الىپ, وراسان زور جەتىستىككە يە بولعان ەدى. جوبا قر مادەنيەت جانە سپورت مينيسترلىگىنىڭ قولداۋىمەن ەلوردانىڭ 20 جىلدىق مەرەيتويى اياسىندا جۇزەگە اسۋدا, دەپ حابارلايدى «استانا وپەرا» تەاترىنىڭ ءباسپاسوز قىزمەتى.
ء«بىرجان – سارا» – قازاق وپەرا ونەرىنىڭ ءتولتۋما جاۋھارى. قويىلىمعا بارىنشا ناقتىلىق بەرىپ, قازاق جەرىنىڭ باي تابيعاتىن كورسەتۋ ءۇشىن سپەكتاكلدى سۇلۋ ولكە بۋرابايدا قويۋعا شەشىم قابىلداندى.
قويىلىم توبىنىڭ بۇگىنگى تاڭداعى بىرەگەي شەشىمدەرى مەن سپەكتاكلدىڭ ستسەنوگرافيالىق ايشىقتارىن قوسا العانداعى بارشا دراماتۋرگيا تولىقتاي ساقتالادى. دەگەنمەن, تەاتردىڭ قىر-سىرى جاعدايعا بايلانىستى بولماق, قويىلىمداردى اشىق اسپان استىندا وتكىزۋ تاجىريبەسى جاڭا مۇمكىندىكتەرگە جول اشپاق: پارتيتۋرادا جازىلعانداي, ءبىرجان ءوز ارياسىن الىستان شىرقايدى, ورماننىڭ اكۋستيكاسى انگە ەرەكشە ايقىن رەڭك بەرەدى, ءتىپتى تابيعاتتىڭ ءوزى دەكوراتسيانىڭ ءبىر بولىگى ىسپەتتەس. بۇل كورەرمەندەرىمىزدىڭ تەاتر ساحناسىندا بۇرقىراپ اعىپ, بارشانى تامساندىرعان سارقىرامانى نە بولماسا كوزدىڭ جاۋىن الار جارمەڭكەنى كورە المايدى دەگەن ءسوز ەمەس, ءبارى دە بولادى! بىراق, ەڭ باستىسى – كەرەمەت مۋزىكا, سوليستەردىڭ تاماشا داۋىستارى مەن وركەستردىڭ ۇيلەسىمدى دىبىستالۋى تىڭدارمانعا ۇمىتىلماس ەرەكشە اسەر سىيلاماق.
سپەكتاكلدىڭ تۇجىرىمداماسى بارلىق كەيىپكەرلەر بەينەلەرىنىڭ بىرجاقتى باياندالۋىنىڭ جوقتىعىمەن سيپاتتالادى. كورەرمەن قاۋىمعا ءبىرجان مەن سارانىڭ بۇل دۇنيەدە ورىن الۋى جازباعان ماحاببات وقيعاسى ۇسىنىلادى. ءداستۇر بويىنشا, وپەرا باستى قاھارماننىڭ قازاسىمەن اياقتالادى, الايدا قويۋشىلار ءۇمىت وتىن سوندىرمەيدى, ياعني قۇرباندىققا شالىنعان ماحابباتتىڭ بەكەر بولماعانىن كورەرمەننىڭ تۇسىنگەنىن قالايدى. ءبىرجان مەن سارانىڭ وقيعاسى مىڭداعان ۇرپاقتىڭ بىرىگۋىنە مۇمكىندىك بەرىپ, حالىقتىڭ جادىندا ماحابباتتىڭ ۇلى قۇدىرەتى جايلى ەستەلىك بولىپ ماڭگىلىككە قالماق.
باستى پارتيالاردى ورىنداۋشىلار: ءبىرجان – كوپتەگەن حالىقارالىق بايقاۋلاردىڭ لاۋرەاتى مەيىر باينەش, سارا – قازاقستاننىڭ ەڭبەك سىڭىرگەن ءارتىسى, مەملەكەتتىك سىيلىقتىڭ لاۋرەاتى مايرا مۇحامەدقىزى, جانبوتا – قازاقستاننىڭ ەڭبەك سىڭىرگەن قايراتكەرى جانات شىبىقباەۆ, انالىق – قازاقستاننىڭ ەڭبەك سىڭىرگەن قايراتكەرى دينا حامزينا, التىناي – قازاقستاننىڭ ەڭبەك سىڭىرگەن قايراتكەرى سالتانات احمەتوۆا, جيەنقۇل – كوپتەگەن حالىقارالىق بايقاۋلاردىڭ لاۋرەاتى تالعات عالەەۆ, قوجاعۇل – شىڭعىس راسىلحان, سەرىك – رامزات بالاكيشيەۆ, ەستاي – بەيىمبەت تاڭارىقوۆ.
قويۋشى ديريجەر – قازاقستاننىڭ ەڭبەك سىڭىرگەن قايراتكەرى ا.مۇحيتدينوۆ, قويۋشى رەجيسسەر – PhD دوكتورى, قازاقستاننىڭ ەڭبەك سىڭىرگەن قايراتكەرى ا.ماەميروۆ, كەڭەسشى رەجيسسەر – بەلارۋس ۇلكەن تەاترىنىڭ باس رەجيسسەرى, گ.تۋكاي اتىنداعى تاتارستان رەسپۋبليكاسى مەملەكەتتىك سىيلىعىنىڭ لاۋرەاتى م.پاندجاۆيدزە, رەجيسسەر – ن.كاگادي, بالەتمەيستەرلەر – قازاقستاننىڭ ەڭبەك سىڭىرگەن قايراتكەرى ا.ءتاتي, م.اۆاحري, قويۋشى رەجيسسەردىڭ اسسيستەنتى – ە.تويكەنوۆ. قويۋشى سۋرەتشىلەر مەن ستسەنوگرافتار – س.تامساعامبەتوۆا مەن پ.دراگۋنوۆ. باس حورمەيستەر – قازاقستاننىڭ ەڭبەك سىڭىرگەن قايراتكەرى ە.ءداۋىتوۆ.