استانا قالاسىنىڭ 20 جىلدىعى قۇرمەتىنە قوستاناي قالاسىنىڭ ىرگەسىندەگى قوستاناي اۋدانىندا ورنالاسقان «ارعىماق» يپپودرومىندا ات سپورتىنان چەمپيونات ءوتتى.
وعان قازاقستاننىڭ الماتى, قاراعاندى, اتىراۋ, اقمولا, قىزىلوردا, وبلىستارىنان ات باپكەرلەرى مەن جانكۇيەرلەر, شاباندوزدار, بارلىعى ەلۋدەن اسا سپورتشى كەلدى. چەمپيوناتتا قوستانايلىقتار مەن قوناقتار ات سپورتىنىڭ تاي جارىس, قۇنان بايگە, توپ بايگە, كوكپار, تەڭگە ءىلۋ, قىز قۋ, جامبى اتۋ, اۋدارىسپاق, الامان بايگە تۇرلەرىن تاماشالادى.
اسىرەسە, كورەرمەن ءۇشىن الامان بايگەنىڭ ورنى بولەك. وعان ەلىمىزدىڭ ءار شالعايىنان ون التى ات قوسىلدى. اۋىزدىعىن شايناپ تۇرعان تۇلپارلاردىڭ قۇيرىق تىستەسىپ, ءبىر بىرىنەن وزۋى دا وڭاي بولمادى. اقىرىندا توپ اتتان ءۇش سايگ ۇلىك سۋىرىلىپ العا وزدى. ولار قوستانايدان, الماتىدان جانە استانادان كەلگەن تۇلپارلار بولاتىن. دەگەنمەن, مارەنى جانكەلدين اۋدانىنان, ياعني تورعايدان كەلگەن «الۋ» اتتى سايگ ۇلىك الدىمەن كەسىپ ءوتتى. ونىڭ شاباندوزى مەن باپكەرىنە وبلىس اكىمى ارحيمەد مۇحامبەتوۆ Volkswagen Polo ماشيناسىنىڭ كىلتىن تابىس ەتتى. بۇل الۋدىڭ الامان بايگەدەن ەكىنشى جەڭىسى.
ء«بىز «الۋ» ەكەۋمىز جەڭەتىنىمىزگە سەنىممەن كەلگەنبىز», دەيدى قۋانىشتى جاس شاباندوز بايەكە امانباي.
سوڭعى جىلدارى قوستاناي وڭىرىندە ات سپورتىنا دەگەن قىزىعۋشىلىق ارتىپ كەلەدى. بايگە بولعان سايىن «ارعىماق» يپپودرومىندا ينە شانشار ورىن تابۋ قيىن. استانا كۇنى مەرەكەسىندە «ارعىماق» يپپودرومىنداعى قىزىقتى كورگەندە ارماندا, كورمەگەندە ارماندا بولدى.
ءنازيرا جارىمبەت
«ەگەمەن قازقستان»
قوستاناي
سۋرەتتەر alau.kz سايتىنان الىندى