قازاقستانداعى اقش ەلشىسى دجوردج كرول ەلوردا تۋرالى قازاق تىلىندە ولەڭ وقىپ بەردى.
ەلشىلىكتىڭ فەيسبۋك جانە ينستاگرام پاراقشاسىندا ەلشىنىڭ ەلوردانى ارالاپ ءجۇرىپ, استانا جايلى ولەڭ وقىپ بەرگەنى تۇسىرىلگەن شاعىن روليك جاريالاندى.
«ماعان بۇل قالا وتە ۇنايدى. بۇل اقش استاناسى ۆاشينگتونعا ۇقايدى», - دەيدى ەلشى كوشەدە ءوتىپ بارا جاتقان قالا تۇرعىندارىمەن اڭگىمەلەسىپ كەلە جاتىپ.
ەلوردا تۇرعىنىنىڭ استانا امەريكالىق ورتالىقتان جاقسىراق ەكەنىن ەستىگەن ەلشى ونىڭ سوزىمەن كەلىسەتىنىن ايتادى.
«بالكىم, ءيا. قاۋىپسىزدىگى جاعىنان باسىمىراق. وتە كوركەم ءارى زاماناۋي قالا», - دەيدى ول.
روليكتىڭ سوڭىندا ەلشى اعىلشىن تىلىندە قازاقستاندىقتاردى قۇتتىقتاپ, قولىنا قازاقستاننىڭ تۋى تۇستەس تۋ ۇستاپ تۇرىپ بالالارمەن بىرگە ساپقا تۇرىپ, 20 سانىن كورسەتەدى.