مەملەكەتتىك حاتشى گۇلشارا ابدىقالىقوۆا تۇرىكمەنستاننىڭ قازاقستانداعى توتەنشە جانە وكىلەتتى ەلشىسى تويلى كومەكوۆپەن كەزدەستى.
كەزدەسۋ كەزىندە گ.ابدىقالىقوۆا ەلىمىزدىڭ ىشكى ساياساتىنداعى ماڭىزدى باعىتتارعا نازار اۋداردى. ەلباسى نۇرسۇلتان نازارباەۆتىڭ تاپسىرماسىمەن ەكونوميكا, ساياسات جانە قوعامنىڭ جاڭعىرۋىن قامتيتىن جۇيەلىك جاڭعىرۋ جۇرگىزىلىپ جاتقانىن اتاپ ءوتتى. سونداي-اق مەملەكەت باسشىسىنىڭ جاڭا الەم كوشباسشىلارىنىڭ قاتارىنا قوسىلۋعا نەگىزدەلگەن ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى ىسكە اسىرىلىپ جاتقانىن جەتكىزدى.
مەملەكەتتىك حاتشى كەڭ اۋقىمدى باعىتتارداعى جوعارى دەڭگەيلى ساياسي سەنىمدى جانە قۇرىلىمدى كەلىسسوزدىڭ ارقاسىندا ەكىجاقتى قارىم-قاتىناس نىعايىپ, ىنتىماقتاستىق ستراتەگيالىق مارتەبەگە يە بولعانىن ايتتى.
«تۇرىكمەنستان قازاقستان ءۇشىن ورتالىق ازياداعى تاتۋ كورشى مەن سەنىمدى سەرىكتەس قانا ەمەس, باۋىرلاس مەملەكەت. ءبىزدىڭ ەلدەردى مادەني ورتاقتىق, شىنايى دوستىق پەن ءوزارا ءىس-قيمىل بايلانىستىرادى», دەدى گ.ابدىقالىقوۆا.
سونىمەن قاتار كەزدەسۋ بارىسىندا قازاقستان مەن تۇرىكمەنستاننىڭ ءتۇرلى كوپجاقتى الاڭداردا بەلسەندى سەرىكتەس ەكەنى ءسوز بولدى. پارلامەنتارالىق جانە ۆەدومستۆوارالىق بايلانىستار نىعايىپ كەلەدى. وڭىرارالىق بايلانىستار كەڭەيىپ, ەكونوميكالىق ىنتىماقتاستىق جونىندەگى ۇكىمەتارالىق كوميسسيا جۇمىسى جولعا قويىلعان.
«ارالدى قورعاۋ حالىقارالىق قورى وڭىرلىك ءوزارا قارىم-قاتىناستىڭ ماڭىزدى الاڭى بولىپ قالا بەرەدى», دەدى مەملەكەتتىك حاتشى.
جالپى, قازاقستان مەن تۇرىكمەنستاندا كومىرسۋتەك رەسۋرستارىنىڭ قورى مول. سونداي-اق ترانزيتتىك-كولىكتىك الەۋەتى زور. ەكىجاقتى ساۋدا-ەكونوميكالىق بايلانىس دامىپ كەلەدى. ماسەلەن, 2017 جىلى تاۋار اينالىمى 99,3 ميلليون دوللاردى قۇرادى.
كەزدەسۋ سوڭىندا گ.ابدىقالىقوۆا ەلشىگە بۇدان ءارى تاتۋ كورشى رەتىندە ءوزارا قارىم-قاتىناستا جانە ستراتەگيالىق سەرىكتەستىكتە مول تابىس تىلەدى.
اباي اسانكەلدى ۇلى, «ەگەمەن قازاقستان»